ISAYA 38:12 - Biblia Ilagho Jiboie Kwa Wandu Wose

¹² Wulalo ghwapo ghwainjwa kufuma kwapo karakara na hema ya mlisha, nadumbulwa karakara na nguwo idumbulwagha ni uo uilukagha, kula dime na kio kwanisoghora kaavui na kutua kwapo.

ISAYA 38:12 ပူးပေါင်းရင်းမြစ်များ

AYUBU 14:2

Wabuka sa mboi, na kuoma; waida sa kiju nao ndeduagha luma.

AYUBU 17:1

“Nalighisa kufwa; kaburi yaawuyaniwesera.

AYUBU 4:20

Wadamu wadima kukaia moyo luma lwa nakesho, na kenyi wifo wisemanyikie.

AYUBU 6:9

kumangu yam'boia Mlungu kunifasha-fasha, na kughorua kwa mkonu ghwake unibwaghe.

ZABURI 102:11

Matuku ghapo gheeka sa kiju cha luma lwa kenyi, neeka sa nyasi riomie.

ZABURI 119:23

Hata ngera wabaa wanideda njama, ini mdumiki wako nichariririkanya sharia rako.

ZABURI 31:22

Nereobueghe ngighesha wei BWANA oonilegha, ela iji neremkemieghe, ukasikira kililo chapo.

ZABURI 73:14

Kwa kukaia needuabulwa dii, na kunekwa adhabu kula nakesho.

ZABURI 90:5

Oho kwadawiduka wandu noko sa gharika; weeka sa ndodo riseduagha. Weeka sa nyasi mbishi ra nakesho,

ISAYA 1:8

Muzi ghwa Jerusalemu ghoosighwa sa kiwanda chiko mbuwenyi ya mizabibu; sa kigharo aghadi ya mbuwa ya marenge; sa muzi ghurughailo ni waghenyi.

ISAYA 13:20

Jingi ndeghuchaakailwa ni wandu kwa vivalwa vose. Muarabu ungi ndechaadunga hema yake aho, hata mlisha ungi ndechaalisha mfugho rake aho.

2 WAKORINTHO 5:1

Angu isi damanya, mimbi edu ya ndoenyi iko sa hema, iyo dikaiagha andenyi yaro, iji yavuchulwa, deko na iaghi jifumagha kwa Mlungu; nyumba isebonyero kwa mikonu, ya kala na kala, iko mlungunyi.

2 WAKORINTHO 5:4

Angu iji dadua andenyi ya mimbi ihi iko sa hema, dasoria ngolo kwa bea mbaa; si angu wei deekunda kufuma andenyi yaro, ela deekunda dirusho iyo mimbi ya mlungunyi; eri icho chefwa chimilo ni irangi.

WAEBRANIA 1:12

Oho kucharikucha sa ikoti naro richaghaluswa sa nguwo. Ela oho kwadua wokoni; na miaka yako, ndeiwadie kutua kungi anduangi.”

JAKOBO 4:14

nenyo ndemmanyagha gha kesho. Kwani irangi jenyu niki? Nechi jeeka sa ikungughu jiwonekagha kapindi, nao sena jilaghaye.