ISAYA 37:4 - Biblia Ilagho Jiboie Kwa Wandu Wose

⁴ Kewada BWANA Mlungu wako wameria kusikira malagho ghaghorwa ni Rabshake agho wadumwa ni bwana wake mzuri wa Waashuru, ghemsholia Mlungu uko moyo; nao ughikemie agho malagho ghake. Kwa huwo, kumlombe Mlungu kwa wundu ghwa masighariko gha wandu wisigharikie.’”

ISAYA 37:4 ပူးပေါင်းရင်းမြစ်များ

2 SAMUELI 16:12

Yadimika BWANA ughuzighane wasi ghwapo, na kewada kwa kuewelwa huwu, unilipe mecha idime.”

2 WAZURI 17:18

Niko BWANA ukawawa loli loli kwa wundu ghwa Israeli, ukawiinja wifume usewiwoneghe, wikaasigharika mbari ya Juda iekeri.

2 WAZURI 19:4

Kewada BWANA Mlungu wako wasikira agho malagho ghose ghaghorwa ni m'baa wa majeshi gha Ashuru, uo wadumwa ni mzuri wa Ashuru kumsholia Mlungu uko moyo, nao ughikemie agho malagho; kwa huwo lomba Mlungu kwa wundu ghwa agho masighariko gha wandu wedu.”

2 MALAGHO GHA NGELO 28:19

Mzuri Ahazi wa Juda orebonyereghe maza rizamie isangenyi ja Juda, na kusigha kukaia mloli kwa BWANA; niko BWANA oremredieghe wasi.

2 MALAGHO GHA NGELO 34:21

“Ghendenyi mkotie malagho kwa BWANA kwa wundu ghwapo, na kwa wundu ghwa wandu wisigharikie andenyi ya Israeli na andenyi ya Juda aighu ya malagho gha icho chuo chawonwa, angu BWANA oko na machu mabaa nandighi aighu yedu kwa kukaia weke aba wiseghiwadie malagho gha BWANA na kughibonya na seji ghiandikilo andenyi ya icho chuo.”

ZABURI 106:23

Mlungu ughamba uawitotesha wandu wake, Musa uo mdumiki wake usaghulo ukamkania; ukahoresha machu ghake usewitoteshe.

ZABURI 50:21

Kwabonyere agha ghose, nani nganyama kima; kukadaghesha wei deefwanana. Ela idana nichakukemia na kukughoria makosa ghako worinyi.

ISAYA 1:8

Muzi ghwa Jerusalemu ghoosighwa sa kiwanda chiko mbuwenyi ya mizabibu; sa kigharo aghadi ya mbuwa ya marenge; sa muzi ghurughailo ni waghenyi.

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 10:20

Ngelo iyo, masighariko gha wandu wa Israeli, awo wikirie wa kivalwa cha Jakobo, ndewichaakusaghika na iyo mbari ya wandu erewikabieghe, ela wichakusaghika na BWANA, Mlungu Mweli wa Israeli kwa loli.

ISAYA 10:22

Kwa kukaia hata ngera Waisraeli weko wengi sa msangagha ghwa bahari, ela ni masighariko ghawo ghichaawuya. Wamerie kuwikilwa malaghiro ghetoteshwa kwa hachi.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 36:13

Niko uja jemadari ukawuka kimusi na kughora kwa kiteto cha Kiebrania kwa lwaka lubaa, “Sikirenyi malagho gha mzuri, uo mzuri m'baa wa Waashuru!

ISAYA 36:18

Lindienyi Hezekia usemlaghashe ukimzera wei, “BWANA uchadikira.” Welee, eko milungu ya mbari ingi ikirie isanga jawo na mzuri wa Waashuru?

ISAYA 36:20

Mwawonie ni milungu iao ya agha masanga ikirie masanga ghawo kufuma mikonunyi kwapo; nao wei BWANA uchaikira Jerusalemu kufuma mikonunyi kwapo?’”

ISAYA 37:17

Degha madu ghako ee BWANA, kusikire madedo ghose gha Senakeribu ghekusholia oho Mlungu kuko moyo; zighana kuwone ee BWANA seji wawuyabonya.

ISAYA 37:31

Na agho masighariko gha wandu wa Juda ghichachurikia seji mudi ghuseragha miri na kuva matunda naighu.

ISAYA 37:32

Huwo kuchakaia na masighariko gha wandu kufuma Jerusalemu, ee, kufuma Mghondi ghwa Sioni, kuchakaia na masighariko gha wandu. BWANA wa majeshi uchabonya huwo, kwa wundu ghwa iriso uko najo.

ISAYA 37:5

Nao iji awo wabaa wa kazi wa Mzuri Hezekia wacha kwa Isaya,

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 46:3

“Nisikirenyi ini inyo kivalwa cha Jakobo, inyo mmbose masighariko gha wandu wa Israeli; Ni ini neremdwaeghe na kumlindia kufuma kuvalwa konyu.

JEREMIA 26:19

Welee, Hezekia mzuri wa Juda, chiaimweri na wandu wose wa Juda werem'bwaghieghe Mika? Welee, nderemuobughe BWANA na kuvoya uvikilo ni wughoma ghwa BWANA? Welee, BWANA ndereghalusireghe nia na kusigha kughureda ugho wuwiwi m'baa oreghughorieghe aighu yawo anguwada? Diamba dikuredie wuwiwi isi diweni.”

JEREMIA 42:2

wikanizera, “Dakulomba kudibonyere seji dikuzeragha, nao kumlombe BWANA Mlungu wako kwa wundu ghodu, ee kwa wundu ghwa agha masighariko ghose gha wandu (kwa kukaia isi derekoghe wengi deechasigharika watinieri seji kudiwonagha);

DANIELI 2:18

Ukawizera wilole wughoma ghwa Mlungu wa mlungunyi aighu ya ngasu ya ndodo iyo, eri uo na wangara wake wisetotesho chiaimweri na wandu wa hikima wa Babuloni.

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

AMOSI 7:2

Hata iji zighe rameria kuja nyasi rose ra isangenyi, nereghambieghe, “Ee Bwana MLUNGU, nakuvoya kufuye wandu wako wughoma, Wandu wa Israeli wadima wada kukaia moyo? Weeka watini nandighi.”

WAROMA 9:27

Isaya nao waghora kwa lwaka lubaa aighu ya Israeli ukighamba, “Hata ngera mtalo ghwa wana wa Israeli ni sa msangagha ghwa baharinyi, ela ni awo watini tu wichaasigharika niwo wichaakia.

JAKOBO 5:16

Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.

JOSHUA 14:12

Idana nineke iji isanga ja mighondinyi sa iji koni BWANA orenilaghirieghe jija ituku; angu kwasikire seji Waanaki werekoghe aho na mizi ya ngome rawo wiaghie mbaa; yadimika BWANA ukaie andwamweri nani, eri niwisime na kuwiwinga sa iji koni BWANA orelaghirieghe.”

1 SAMUELI 12:19

Na awo wandu wikamzera Samueli, “Dilombie kwa BWANA Mlungu wako isi wadumiki wako disechefwa; kwa kukaia dachuria wuwiwi aighu ya kaung'a redu kwa kulomba mzuri.”

1 SAMUELI 12:23

Aighu ya agho, hata ini moni ndeinifwane putu kum'bonyera BWANA kaung'a esigha kumlombia inyo, ela wulalo ghwaro, nichamfundisha chia iboie na ya loli.

1 SAMUELI 14:6

Nao Jonathani ukamzera uja mdawana oremdukiagha maswagha, “Nndoko diruwuke ija chia cha ngomenyi ya awa wandu wiseshamishiro, kewada BWANA wadima kuditesia; kwa kukaia ndekuwadie ilagho jingi jidimagha kumghiria BWANA usekire kwa kutumia wandu wengi angu watini.”

1 SAMUELI 17:26

Daudi ukawizera awo wandu werekwanyeghe, “Mundu ukam'bwagha u Mfilisti na kuinjira Israeli ughu waya ubonyerwa kii? U Mfilisti useshamishiro ni kilamboki hata udime kazaruma majeshi gha Mlungu uko moyo?”

1 SAMUELI 17:36

Mdumiki wako wabwaghie shimba na kibarabara wori; na uhu Mfilisti useshamishiro uchakaia sa imu ya iro nyamandu, kwa kukaia wawuyamenya majeshi gha Mlungu uko moyo.”

1 SAMUELI 7:8

wikamzera Samueli, “Kusesighe kumlilia BWANA Mlungu odu kwa wundu ghodu, eri udikire disekabo ni Wafilisti.”