ISAYA 37:2 - Biblia Ilagho Jiboie Kwa Wandu Wose

² Ukawiduma Eliakimu uo orekoghe m'baa wa nyumba ya mzuri, na Shebna uo orekoghe muandiki na wakohani wabaa wirwae nguwo ra magunia, wighende kwa Isaya mwana wa Amozi.

ISAYA 37:2 ပူးပေါင်းရင်းမြစ်များ

2 WAZURI 18:18

Wikammbanga Mzuri Hezekia na wabaa wadadu wa mzuri wikacha; Eliakimu mwana wa Hilkia uo orekoghe mzighaniri wa nyumba ya mzuri, na Shebna uo orekoghe karani, na Joa mwana wa Asafu muandiki.

2 WAZURI 19:2

Ukawiduma Eliakimu, uo orekoghe mzighaniri wa ngome ya mzuri, na Shebna uo orekoghe karani, na wakohani wa kala wighende kwa Isaya mwana wa Amozi;

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

ESTA 4:1

Nao iji Mordekai warimanya iro maza, ukarashua nguwo rake, ukarwa nguwo ya igunia na kukudunga ivu. Ukaida ghadi na ghadi ya muzi ukilila kwa lwaka na kuwawa kubaa.

ISAYA 1:1

Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

ISAYA 20:2

Ngelo iyo, BWANA oreghorieghe na Isaya mwana wa Amozi ukighamba, “Ghenda kuinje iyo nguwo ya igunia iko kiwonunyi kwako na vadu viko maghunyi kwako.” Isaya ukasikira, ukaghenda duu sena usena vadu maghunyi kwake.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

ISAYA 22:15

Bwana MLUNGU wa majeshi wanizerie nighende kwa Shebna uja mlindiri wa kinyumba cha mzuri kumzere,

ISAYA 22:20

BWANA ukamzera Shebna, “Ngelo iyo nichammbanga mdumiki wapo Eliakimu mwana wa Hilkia;

ISAYA 36:3

Nao Eliakimu mwana wa Hilkia, uo orekoghe m'baa wa nyumba ya mzuri, na Shebna uo orekoghe muandiki, na Joa mwana wa Asafu uo orekoghe karani, wikamchea Rabshake.

ISAYA 37:14

Hata iji Mzuri Hezekia waiwada iyo barua kufuma kwa wadumiki wa mzuri wa Waashuru, ukaishoma. Niko Hezekia ukaghenda Hekalunyi kwa BWANA na kuiwika iyo barua imbiri ya BWANA;

ISAYA 37:21

Nao Isaya mwana wa Amozi ukaduma malagho kwa Mzuri Hezekia kunughana na malombi ghake ukighamba, “BWANA uo Mlungu wa Israeli waghamba huwu: Kwa kukaia kwanilomba ini aighu ya madedo gha Senakeribu mzuri wa Waashuru,

ISAYA 38:1

Matuku agho, Mzuri Hezekia ukawuya mkongo kaavui na kufwa. Mlodi Isaya mwana wa Amozi ukacha na kumzera, “BWANA waghamba, kuboise maza ra nyumbenyi kwako, kwa kukaia ndekuchaaboa kungi, ela kuchafwa.”

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.