ISAYA 34:3 - Biblia Ilagho Jiboie Kwa Wandu Wose

³ Gharia rawo nderichaarikwa, naro richawoa na kunuka; mighondi yose ichachulwa ni bagha rawo.

ISAYA 34:3 ပူးပေါင်းရင်းမြစ်များ

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 34:7

Wandu wichabwaghwanya na mbogho na wana wa njau, na njau mbaa; isanga jichanywa bagha, na ndoe rawo richawurushwa ni mavuda ghawo.

ISAYA 66:24

“Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

JEREMIA 22:19

Ucharikwa karakara na punda, ukikurudulwa na kukumbwa shighadi ya mbenge ra Jerusalemu.”

JEREMIA 25:33

“Na awo wichaabwaghwa wudenyi ni BWANA ituku ijo, wichaera kula andu ndoenyi. Ndewichaalililwa, angu kutumbanywa, hata kurikwa; ela wichawuya kitungasi ndoenyi.

EZEKIELI 14:19

Ngaduma saka izamie isangenyi, na kubwagha wadamu na nyamandu kwa machu ghapo,

EZEKIELI 32:4

Nani nichakukumba andu kuomie, andu kuko worinyi mbuwenyi; nani nichareda nyonyi ra mbeonyi, rikarie aighu yako; na kurighudisha nyamandu ra ndoenyi kose na nyama yako.

EZEKIELI 35:6

Kwa huwo, sa iji nikaigha moyo, ini Bwana MLUNGU naghamba, nichakufunya kubwagho, na bagha ichalawia. Kwa kukaia na ikosa jebwagha, kifwa chichakunugha.

EZEKIELI 38:22

Nichamtanya kwa saka izamie, na kubwagha; nani nichamnyeshera vua ya magho chiaimweri na masikari ghake, na wandu wengi wikwanye; vua ya magho mbaa, na modo na kibiriti.

EZEKIELI 39:11

“Ituku ijo, nichamneka Gogu andu komrikia andenyi ya Israeli, aja Vololo ya Wacharo, noko cha mashariki ya baharinyi. Andu aho kuchabwagha chia ya wacharo, kwa kukaia Gogu na izungu ja wandu wake wicharikwa aho; nako kuchawangwa Vololo ya Ijeshi ja Gogu.

EZEKIELI 39:4

Uchabwaghwa aighu ya mighondi ya Israeli, chiaimweri na masikari ghake wandu mkwanye. Nichamfunya ujigho ni nyonyi ra kula kichuku rijagha nyama, na nyamandu ra isakenyi.

JOELI 2:20

Nichajiinja ijeshi ja zighe rifumie kaskazinyi, nani nichawinga rimu cha kireti. Ifungu ja imbiri jichangia Bahari ya Chumbi, na ifungu ja nyuma jichangia Bahari ya Mediterania. Gharia raro richanuka. Nichawitotesha kwa wundu ghwa agho ghose wim'bonyere.

AMOSI 4:10

“Neredumieghe saka izamie aghadi konyu, sa ija nereidumieghe Misri, ngawibwagha wandu wenyu wa irika wudenyi, ngawusa farasi renyu, ngam'bonya mnukilo ni gharia renyu kambinyi. Nenyo hata huwo saki, ndemorenighalukieghe.

NAHUMU 3:3

Wajoki farasi wiarijoka; chufu riakaaka na mafumu kung'alishwa; majeshi ghabwaghwa! Kitungu cha gharia na mimbi ifue isene mtalo; wandu wiakuwarwa ni mimbi ifue.

WUFUNUO 14:20

zabibu rikakamwa andenyi ya chombo chekamia shighadi ya muzi, na bagha ikafuma chombonyi, ikasalama wukula ghwa kilometa maghana adadu, na wuighu kaavui meta iwi.