ISAYA 33:3 - Biblia Ilagho Jiboie Kwa Wandu Wose

³ Wandu wakimbia kwa kusikira ndoghoi mbaa; kukawuka kimusi, mbari ra wandu rasaghisika.

ISAYA 33:3 ပူးပေါင်းရင်းမြစ်များ

ZABURI 46:6

Mbari ra wandu rabonya nganyi, mawuzuri ghasughusika; Mlungu wadeda, na ndoe ikasagha.

ZABURI 59:11

Kusakewibwagha, wandu wapo wicheliwa; Wineke kumara-mara kwa ndighi rako, na kuwisima, ee BWANA mlindiri odu.

ZABURI 68:2

Wadawiwinga seji mosi ghudukwagha noko; wawiwi wadatota imbiri ya Mlungu, seji sungu isaghagha modonyi.

ISAYA 21:15

Kwa kukaia waawuyakimbia wisebwagho kwa lufu na ndana andenyi ya wuda ghubirie.

ISAYA 33:4

Mali rawo rawadwa seji shimandu riwadwagha, wandu wichariwada seji zighe riwadwagha.

JEREMIA 25:30

“Kwa huwo oho Jeremia, kuchawifunyira wandu awa wulodi ghwa agha malagho ghose nakughoria: ‘BWANA ucharuruma kufuma koighu, kufuma andu ukaiagha kwa wueli, uchafunya lwaka lwake; ucharuruma kwa ndighi mbaa aighu ya maranu ghake uchakema sa awo wandu wikamagha zabibu, aighu ya wandu wose wikaiagha ndoenyi.

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”