ISAYA 33:2 - Biblia Ilagho Jiboie Kwa Wandu Wose

² Kudifue wughoma ee BWANA, isi dikusuwiriagha oho kukaie mlindiri odu kula nakesho; kukaie kukia kodu ngelo ya wasi.

ISAYA 33:2 ပူးပေါင်းရင်းမြစ်များ

ZABURI 123:2

Sa iji koni mdumiki umzighaniragha bwana wake, na mdumiki wa waka umzighaniragha bibi wake, ni huwo koni na isi dikuzighaniragha oho BWANA Mlungu odu, hata kudifuye wughoma.

ZABURI 143:8

Kunikumbuse lukundo lwako lukatie kula nakesho, angu nakurumiria oho. Nakulomba kunifundishe chia inifwanagha niinughe.

ZABURI 25:3

Mundu ukusuwiriagha oho, ndefushwagha waya jingi; ela wandu wa mikalo wichafushwa waya.

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

ZABURI 33:22

Lukundo lwako lukatie ndelukaie nesi ee BWANA, sa iji koni dawuyakusuwiria oho.

ZABURI 37:39

Kukia kwa wahachi kwadafuma kwa BWANA, nao wadawilindia ngelo ya wasi.

ZABURI 46:1

Mlungu nuo andu kodu kokimbiria na ndighi redu. Oko tayari kutesia shwa ngelo ya wasi.

ZABURI 46:5

Mlungu wadakaia andenyi ya ugho muzi, na jingi ndeghuchaanoneka; wadaghutesia nakesho kio.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 60:11

Ditesie kulwa na m'maiza; wutesia ghwa mdamu ndeghufwanagha.

ZABURI 62:1

Nadammbesera Mlungu kima; kukia kwapo kwadafuma kwake koni.

ZABURI 62:5

Nadammbesera Mlungu kima, angu isuwirio japo jeeka kwake.

ZABURI 62:8

Rumirienyi Mlungu ngelo rose ee wandu, mumghorie wasi ghonyu ghwa ngolonyi; Mlungu nuo andu kodu kokimbiria.

ZABURI 90:15

Kudineke kuboilwa karakara na matuku koreditiririeghe, na miaka yose ya wasi ghodu.

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

KUFUMA 14:27

Nao Musa ukaghorua mkonu ghwake aighu ya bahari, nayo ikawuriana luma lwa nakesho kwa ndighi sa iji koni erekoghe. Wamisri wikatima kukimbia, ela BWANA ukawikumba baharinyi.

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 26:16

Werekulolieghe ngelo ya wasi ghwawo; iji korewikabieghe, wikareda malombi kwako, ee BWANA.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 37:3

Wikaghenda na kumzera, “Hezekia waghamba, ‘Idime ni ituku ja wasi, na kurashwa, na kusowelwa ishima; wana wakaia tayari kuvalwa ela ndighi rekumba lufu nderiko.

ISAYA 40:10

Wonenyi Bwana MLUNGU uacha kubonya nguma kwa ndighi, na mafungu ghake waghiwadie kwa wundu ghwa wandu wake.

ISAYA 51:5

Hachi yapo eko kaavui kucha, kukia kwapo kwalighisa kumchea; nichawibonyera wandu nguma kwa mkonu ghwapo, na wandu wa masanga gha pwani wichanisuwiria.

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

ISAYA 8:17

Nichammbeseria BWANA, uo wawuyakuvisa usewono ni kivalwa cha Jakobo, nani nichamsuwiria uo.

JEREMIA 14:8

Ee Isuwirio ja Israeli, na Mkiri wawo ngelo ya wasi; kwaki kwakaia karakara na mghenyi isangenyi kodu, sa mdambi olala kio chimweri tu.

KILILO CHA JEREMIA 3:23

Ni mmbishi kula ituku, wuloli ghwake ni m'baa.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.