ISAYA 32:6 - Biblia Ilagho Jiboie Kwa Wandu Wose

⁶ Mkelu wadadeda wukelu ghwake, na maghesho ghake ghadakaia aighu ya wuwiwi. Wadamsholia Mlungu na kuwisigha awo wisewadie vindo wikaie njala na awo wisewadie machi wikaie kau.

ISAYA 32:6 ပူးပေါင်းရင်းမြစ်များ

ZABURI 141:4

Kusakenisigha niboilo ni kubonya makosa, na kukuranganya na wawiwi andenyi ya mabonyo ghawo ghizamie; Jingi kusenisighe ningie andenyi ya karamu rawo.

MAKATANISHO 19:3

Iji wukelu ghwa mundu ghwammnonia mipango yake, wadam'bonyera BWANA machu.

MAKATANISHO 24:7

Hikima eeka ighu isedimagha kumtambukia mkelu; ndedimagha kudeda ilagho jingi mwandunyi.

ISAYA 10:2

Eri mumsoke mkiwa hachi yake, na kuiwia wandu wapo hachi rawo. Mwawisoka waka wakiwa na wana wisene weke ndee hachi rawo.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 26:10

Mmbiwi ukadawirilwa ndechaakufundisha hachi; uchabonya mawiwi andenyi ya isanga jiko icha, hata ndewonagha ugho wubaa ghwa BWANA.

ISAYA 3:15

Yakaia wada inyo kuwiwonia wandu wapo na kuwikita wakiwa? Ini BWANA Mlungu wa majeshi naghamba.”

ISAYA 31:2

Na uo nuo uwadie hikima, nuo utoteshagha. Uo ndeghalusagha malagho ghake, ela uchawikaba awo wibonyagha wuwiwi, na awo wiwitesiagha wabonyi kiwiwi.

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 13:23

Welee, Muethiopia wadima kukughalua rangi yake, angu inge kughalua maboli ghake? Nenyo wori ndemdimagha kubonya mecha ingelo mlisire kubonya mawiwi.

EZEKIELI 34:18

Welee ndemkatwagha ni kuja malisho mecha, hata ikaie suti mmbadie agho ghasigharika; munyo machi ghielie, na kuvurugha agho ghasigharika?

DANIELI 12:10

Wandu wengi wichakuelesha na kukaia wielie, nawo wichaela. Ela wawiwi, wichabonya kiwiwi; na mndungi wawo ndechaatambukilwa jingi. Awo wa hikima, wichatambukilwa.

AMOSI 8:6

Dichamghua mkiwa kwa feza, na uo usena kindo chingi kwa vadu va sapata, na kuuza masemu gha ngano.”

MATHAYO 15:19

Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

1 SAMUELI 24:13

Na sa iji koni ikatanisho ja wandu wa kala jighorie, ‘Wuwiwi ghwadafuma kwa Wawiwi,’ kwa huwo ini sichaakubonya kiwiwi anduangi.