ISAYA 32:3 - Biblia Ilagho Jiboie Kwa Wandu Wose

³ Niko meso gha awo wiwonagha ghisechaatungurishwa sena, na madu gha awo wisikiragha wichaasikira.

ISAYA 32:3 ပူးပေါင်းရင်းမြစ်များ

ISAYA 29:18

Ngelo iyo, mundu usesikiragha uchasikira malagho ghikishomwa, na awo wiko vitungure wikaiagha kirenyi, meso ghawo ghichafunguka wiwone.

ISAYA 29:24

Awo wikosagha rohonyi, wichapata kumanya, na awo wichulo ni mazughunuko, wicharumiria mafundisho.”

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 54:13

Nichawifundisha wana wako wose, nawo wichawona nicha na sere.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

MARKO 7:37

Wandu wikashinika nandighi loli-loli, wikighamba, “Wadabonya maza rose nicha: wadabonya hata wifue madu wisikire, na vituri widede.”

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.