ISAYA 32:19 - Biblia Ilagho Jiboie Kwa Wandu Wose

¹⁹ Ela vua ya magho ichanona ugho msidu na muzi ghuchanoneka.

ISAYA 32:19 ပူးပေါင်းရင်းမြစ်များ

ISAYA 10:18

Misidu yake iboie na isanga jake jiwurue ukukasagha najo jichanonwa ni BWANA sa mkongo udarumagha na kusia.

ISAYA 10:19

Misidu yake ichasighwa na midi miting'ini, hata mwana wadima kuitala na kuiandika.

ISAYA 10:33

Zighanenyi Bwana, Uo BWANA wa majeshi uchawidema-dema sa mbashu ra midi kwa ndighi rake reobosha; na uo ukujosere na kukaia ighu uchaserwa.

ISAYA 24:10

Muzi ghwamerie kuchulwa ni kunoneka, na kula nyumba eemeria kurughwa mndungi usengie.

ISAYA 24:12

Muzi ghoononwa, na mbenge raro rachikanyiro na kunonwa.

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 26:5

Kwa kukaia wamerie kuwisera awo wandu werekukasireghe; ugho muzi ghorekujosereghe waghuserie hata andoenyi, ukaghusera hata terinyi.

ISAYA 27:10

Muzi ghorekoghe na ngome ghwasighwa mduu, wandu waghukimbirie ghukasighwa sa kireti; aho niko ng'ombe rilishwagha, radadima aho na kukonua mbashu ra midi yaro.

ISAYA 28:17

Nichaibonya loli kukaia kamba epimia na hachi ikaie timazi. Vua ya magho ichainja iyo tee mwawuyaisuwiria, na machi ghichadwa agho mwawuyaghisuwiria.”

ISAYA 28:2

Olenyi BWANA oko na mundu umu wake uko ing'oni jiwadie ndighi; uchagha kuwikaba sa kiremba cha vua ya magho inonagha, karakara na kiremba kibaa chiwadie ndighi na machi mengi ghidikagha kwa wungi na kuidwa ndoe.

ISAYA 29:4

Lwaka lwa Jerusalemu luchasikirika kondonyi ndoenyi; madedo ghake ghichasikirika kufuma terinyi; lwaka lwake luchasikirika sa lwaka lwa kisuka, lukihohoria kufuma terinyi.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 37:24

Kwadumie wadumiki wako winiseke ini BWANA, kukaghora wei kwajokie mighondinyi na magare ghako; kukajoka hata koigu Lebanoni, kukaghusha iyo misida yake milacha na iyo misumbesu yake iboie; kukajoka hata andu kwaro kwa ighu hata kondenyi msidunyi ghwake ghukambie.

NAHUMU 1:1

Agha ni mawono aighu ya Nineve ghiwonelo ni Nahumu ufumie Elkoshi.

NAHUMU 1:8

Ela uchawimeria wamaiza wake putu sa kudwalwa ni machi mengi; uchawighenja wamaiza wake cha kifonyi.

ZEKARIA 11:2

Kema mchungu ee msumbesu, angu misida yaghwa; iyo midi ikumikie yanoneka. Kemenyi mchungu mlile ee mialoni ya Bashani, ugho msidu m'baa ghwademwa.

MATHAYO 7:25

Vua ikanya, meda ikachua machi, sena mbeo ikaweta aighu ya iyo nyumba, ela ndeereghueghe anduangi; angu ereaghiloghe aighu ya igho.

WUFUNUO 18:21

Niko malaika uwadie ndighi ukawada igho sa igho ibaa jesha, ukajikumba baharinyi ukighamba, “Huwo niko ugho muzi ghwa Babuloni ghuchaaghushwa kwa ndighi; nagho ndeghuchaawoneka sena anduangi.

WUFUNUO 8:7

Uo malaika wa imbiri ukaikaba tarumbeta yake, kukakaia na vua ya magho na modo, viranganyiro na bagha, na ifungu ja kadadu ja ndoenyi jikakorwa, ifungu ja kadadu ja midi jikakorwa, na nyasi mbishi rose rikakorwa.