ISAYA 32:13 - Biblia Ilagho Jiboie Kwa Wandu Wose

¹³ Mbuwa ra wandu wapo rabukilo ni minjwa na mndandangoma, ee, mrililie na nyumba renyu rerechuloghe ni kuboilwa andenyi ya muzi ghwa maseko.

ISAYA 32:13 ပူးပေါင်းရင်းမြစ်များ

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

ISAYA 22:2

Kwaki mkemagha inyo muzi ghwa ndoghoi mukukasire? Wandu wenyu ndewibwaghilo kwa lufu hata kufwa wudenyi anduangi.

ISAYA 23:7

Welee, ughu nigho ghoni muzi ghwa Tiro ghorechuloghe ni maboilo, muzi ghoreaghiloghe kokala uko? Loli nigho ghoni wandu waro werekoghe wikighendia masanga gha kula na kughikaia?

ISAYA 23:9

BWANA wa majeshi nuo orepangieghe maza iri; eri upate kunona uko kukujosa kwake; na kuwifusha waya awo wandu wake werenekeloghe ishima ndoenyi.

ISAYA 24:11

Kililo chasikirika chienyi mbaa kwa wundu ghwa kusowa divei, kuboilwa kwawo kwavikia kutua kwaro, kuboilwa kose kwa ndoenyi kwasirie.

ISAYA 27:10

Muzi ghorekoghe na ngome ghwasighwa mduu, wandu waghukimbirie ghukasighwa sa kireti; aho niko ng'ombe rilishwagha, radadima aho na kukonua mbashu ra midi yaro.

ISAYA 34:13

Minjwa na mndandangoma ichazoghua aighu ya ngome rawo, nako kuchakailwa ni mizozo na nyagha.

ISAYA 5:10

Kwa kukaia hekta ikumi ra mbuwa ya mizabibu, ichava lita wunyanya ra divei; na lita ighana na mirongo wunyanya ra mbeu, richava lita ikumi na wunyanya ra viro.”

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

ISAYA 55:13

Wulalo ghwa minjwa kuchabuka msumbesu, na wulalo ghwa mndandangoma kuchabuka mhadasi. Ilagho iji jichakaia lukumbuso kwapo ini BWANA, na alama ya kala na kala isechaainjika jingi.”

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

ISAYA 7:23

“Ngelo iyo, andu korekoghe na miwalwa ya mizabibu elfu imweri, erekoghe ikipata pesa shekeli elfu imweri, kuchabuka mndungua na minjwa.

JEREMIA 33:4

Ini BWANA, Mlungu wa Israeli, naghamba huwu aighu ya nyumba riko andenyi ya ughu muzi ghwa Jerusalemu, na nyumba ra wazuri wa Juda iro rerechikanyiroghe eri ripate kubonya wurigha ghoghiria wuda.

JEREMIA 39:8

Wababuloni wikaikora ngome ya mzuri, na nyumba ra wandu; wikaghuchikanya wurigha ghwa Jerusalemu.

JEREMIA 52:27

Niko mzuri wa Babuloni ukawikaba na kuwibwagha aho Ribla isanga ja Hamathi. Kwa huwo wandu wa Juda wikadwalwa wunyika kufuma isangenyi jawo.

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

HOSEA 2:3

nisechemrua nguwo na kumsigha duu, na kum'bonya uwoneke sa iji koni orevalwagha; nim'bonye ukaie sa kireti, na kummbika ukaie sa isanga jiomie, upate kubwaghwa ni kau.

HOSEA 9:6

Iji wasi ghwacha na wandu kusasarika, Misri ichawikwanya wipate kurikilwa Memfisi. Vilambo vawo va zoghori va feza na andu kose mizi yawo erekoghe, ichabukwa ni masaka na minjwa.