ISAYA 32:11 - Biblia Ilagho Jiboie Kwa Wandu Wose

¹¹ Kwa huwo, sughusikenyi inyo waka mwawuyasea kidombo kiduu mkikuhoresha; obuonyi inyo waka mkunde kukuhoresha; ruonyi nguwo renyu msigho duu, na kukufunga nguwo ra magunia viwonunyi konyu kwa wasi.

ISAYA 32:11 ပူးပေါင်းရင်းမြစ်များ

ZABURI 123:4

Dasekelo luma ni wazuri wa mali, na kumenywa ni wakorongi wikukasire.

KUFUMA 33:4

Wandu wiendasikira agho malagho ghizamie, wikalila kwa wasi, hata ndewererwaeghe mapambo gha zoghori anduangi.

ISAYA 15:3

Warwa nguwo ra magunia na kuida achienyi wikilila kula umu wawo, na nyumbenyi na viwachenyi, wikidikwa ni mbori.

ISAYA 2:19

Wandu wichangia mbangenyi ra magho, na miruma ya ndoenyi wikiobua agho machu gha BWANA na wubaa ghwa nguma rake; iji uchaawuka kuisughusa ndoe.

ISAYA 2:21

nawo wichakuvisa mbangenyi ra magho, na chughumenyi mbaa ra ndoenyi; wipate kukaia kula na machu gha BWANA na wubaa ghwa nguma yake; iji uchaawuka kuisughusa ndoe.

ISAYA 20:4

niko koni mzuri wa Waashuru uchaawidwa Wamisri na Waethiopia wubarishonyi watini na wabaa wiko duu na maghu maduu, mashimba ghawo ghikiwoneka; Wamisri wipate kufushwa waya.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

ISAYA 3:24

Wulalo ghwa marumba mecha, kuchakaia kunuka kiwiwi; wulalo ghwa mshipi, kuchakaia kamba; wulalo ghwa iridia jilukilo nicha, kuchakaia kukangaluka; wulalo ghwa nguwo iboie, kuchakaia nguwo ra magunia; wulalo ghwa kughoka, kuchakaia kuzama.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

ISAYA 47:8

“Idana sikira oho kukundagha maseko, oho kukaiagha kidombo kwa sere kukighesha, ‘Ni ini moni, hata ndekuwadie ungi unichumbie; sichaasea kidombo sa muka ufuilo, hata sichaamanya kusowekelwa ni wana anduangi.’

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

JEREMIA 49:3

Lilenyi ee wandu wa Heshboni, angu muzi ghwa Ai ghwasighwa mduu; ronyi nguwo ra magunia kwa wasi mkeme, ee wai wa Raba, lilenyi mkimbie na imbiri na nanyuma awurighenyi; kwa kukaia mlungu ghonyu Moleki ghuchabarishwa chiaimweri na wakohani na wabaa.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

HOSEA 2:3

nisechemrua nguwo na kumsigha duu, na kum'bonya uwoneke sa iji koni orevalwagha; nim'bonye ukaie sa kireti, na kummbika ukaie sa isanga jiomie, upate kubwaghwa ni kau.

JOELI 1:8

Inyo wandu, lilenyi sa mwai umliliagha mchumba wake wafwa.

AMOSI 4:12

“Kwa wundu ugho nichamkaba ee wandu wa Israeli. Idana kwa kukaia nichabonya huwo, kuboisenyi mkwane na kutanya kwapo.”

ZEFANIA 2:15

Agho nigho ghichaaghupata muzi ghukukasire kwa ndighi rake, na wandu waro kughamba niwo wabaa wurumwengunyi. Ghuchasighwa mduu, na nyamandu richakaia aho. Kula mundu uidagha aho uchashinika na kusughusa chongo chake.

WUKUMBUSO 28:48

kwa wundu ugho, kuchawidumikia wamaiza wako, awo BWANA uchaawiduma kulwa na oho, kuko njala, na kau, kuko duu, sena kwasowekelwa ni vilambo vose. Nao uchakukoronga nandighi, hata umerie kukutotesha putu.

JAKOBO 5:5

Mwaawuyakaia ndoenyi mkibonya maseko na kuboilwa; mwarilisha ngolo renyu kwa wundu ghwa ituku ja kubwaghwa.