ISAYA 31:9 - Biblia Ilagho Jiboie Kwa Wandu Wose

⁹ M'baa wake uchakimbia kwa wowa, na wabaa wawo wa kazi wichakimbia kwa wowa na kuisigha bendera yawo. Agho ghaaghorwa ni BWANA uo modo ghwake ghuakagha Sioni na iwiwi jake jikaiagha Jerusalemu.

ISAYA 31:9 ပူးပေါင်းရင်းမြစ်များ

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 10:17

Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

ISAYA 13:2

Wusirenyi bendera ya wuda aighu ya mghondi ghwa ikara, muwikemie masikari, na kuwikunyiria kwa mikonu wingie na kughukaba ugho muzi ghukukasire.

ISAYA 17:13

Iro mbari ra wandu raruruma sa kughona kwa machi mengi, ela Mlungu uchawikemia, nawo wichakimbia; wichawingwa sa mafozi ghidukwagha ni mbeo aighu mghondinyi, sa teri ya kikulughulu na kiremba.

ISAYA 18:3

Inyo wandu wose mkaiagha wurumwengunyi, inyo mmbose mkaiagha ndoenyi; bendera ikawusirwa mghondinyi mzighane, na tarumbeta ikakabwa msikire.

ISAYA 26:1

Ngelo iyo, wandu wa isanga ja Juda wichabora lumbo ulu: Deko na muzi ghumange, Mlungu waghuwikia kukia kwake sa ngome imange.

ISAYA 27:7

Kwani Mlungu wakabie Israeli seji ukabie iro mbari rerewikabieghe? Angu wabwaghie Israeli seji ubwaghie awo werewibwaghieghe?

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

ISAYA 37:37

Niko Senakeribu mzuri wa Waashuru, ukafuma na kughala; ukakaia Nineve.

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

ISAYA 5:26

BWANA uchaikunyiria mbari ya wandu iko kula, uchawifughia mori kufuma kutua kwa ndoenyi, na wandu waro wichacha na iseghe shwa-shwa.

ISAYA 66:15

BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

WALAWI 6:13

Modo ghwa madhabahu ghuchakaia ghukiaka ngelo rose; ghuserimisho.

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

WUKUMBUSO 32:31

Wamaiza wawo waichi kukaia milungu yawo cheni ndeiwadie ndighi; ndeiko na ndighi sa Mlungu wa Israeli.

WUKUMBUSO 32:37

Niko BWANA uchawikotia wandu wake, ‘Iyo milungu iwadie ndighi moreirumirieghe eko hao?