ISAYA 31:4 - Biblia Ilagho Jiboie Kwa Wandu Wose

⁴ BWANA wanizerie huwu, “Sa iji koni shimba angu mwana wa shimba wirurumagha wikilindia madiwo ghawo, wiseturuswagha ni chwaka ra walisha wengi, angu kuoboshwa ni ndoghoi rawo, niko koni na BWANA wa majeshi uchaasea kubonya wuda kulindia Mghondi ghwa Sioni.

ISAYA 31:4 ပူးပေါင်းရင်းမြစ်များ

2 MALAGHO GHA NGELO 20:15

Ukaghamba, “Sikirenyi inyo mmbose wandu wa Juda, nenyo mkaiagha Jerusalemu, na Mzuri Jehoshafati: BWANA wamzera kukaia msekambo ni chongo hata kujiobua ijo izungu ibaa ja wandu, angu wuda si ghonyu ghungi ela ni ghwa Mlungu.

KUFUMA 14:14

BWANA uchamluya, na inyo mchakaia kima.”

KUFUMA 14:25

Ukaghikwamisha magurudumu gha magare ghawo hata ghikakaia ghikighenda kwa wasi. Wamisri wikaghamba, “Nndokonyi diwikimbie Waisraeli, angu BWANA wawuyalwa nesi kwa wundu ghwawo.”

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 30:32

Kula ikabo ja BWANA, jichanughwa ni lumbo lukabwagha kwa mayanga na kinubi; kwa kukaia BWANA uchakufunya kwa mkonu ghuwadie ndighi kulwa na Waashuru.

ISAYA 42:13

BWANA wafuma karakara na ing'oni, wawukwa ni mware na kukema kara kara na mundu wa wuda; kuwonyera ndighi rake kwa wamaiza wake.

JEREMIA 50:44

“Ola nichacha shwa-shwa seji shimba ijokagha kufuma kilembenyi cha Jordani, kungia iranu ja ng'ondi jimange, na kuwibonya wikimbie kufuma mzinyi kwawo, nani nichammbika mundu mzima aighu ya ugho muzi, uo nichaamsaghua. Nani uko sa ini? Nani udimagha kunishitakia? Ni m'bonyi nguma uao udimagha kulwa nani?

HOSEA 11:10

“Wandu wapo wichaninugha, iji nawirurumia wamaiza wawo sa shimba. Wichashashira kunikimbiria wikisughusika kufuma magharibi.

AMOSI 3:8

Shimba yameria kururuma; nani useobuagha? BWANA wameria kughora; ni mlodi uao usefunyagha wulodi?”

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

ZEKARIA 14:3

Niko BWANA uchaghenda kulwa na iro mbari ra wandu seji orelwagha ngelo riidie.

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

ZEKARIA 9:15

BWANA Uwadie-Ndighi-Rose uchawilindia wandu wake, nawo wichawitotesha wamaiza wawo; wichakema wudenyi sa wawongeri, nawo wichawibwagha wamaiza wawo, bagha yawo ichadika sa ya vizongona yadilwa madhabahunyi.

ZEKARIA 9:8

Nichajilindia isanga japo, na kulegha ijeshi jingi jiseide aghadi yaro. Sichaasigha mkorongi ungi uwikoronge wandu wapo kwa kukaia namerie kuwona seji wandu wapo wikorongelo.”

WUFUNUO 10:3

ukawanga kwa lwaka lubaa sa shimba irurumagha. Nao iji wawanga, iro chukuwa mfungade rikadeda,

WUFUNUO 5:5

Niko umu wa awo waghosi ukanizera, “Leka lila; hoja uo Shimba wa mbari ya Juda, wa kivalwa cha Daudi, uo wamerie kusima; nao wadima kuifungua iyo mihuri mfungade, na kuchikuchua icho chuo.”