ISAYA 31:3 - Biblia Ilagho Jiboie Kwa Wandu Wose

³ Wamisri ni wadamu tu si Mlungu kungi; farasi rawo ni nyamandu riko na mimbi, si roho ringi. BWANA ukaghorua mkonu ghwake, mbari ya wandu iwadie ndighi ichakuwa, na iyo mbari yaawuyateselwa ichaghwa; na huwo wose wichatota.

ISAYA 31:3 ပူးပေါင်းရင်းမြစ်များ

2 MALAGHO GHA NGELO 32:8

Uo ooka na ndighi ra kidamu, ela isi deeka na BWANA Mlungu odu, uditesie na kulwa mawuda ghedu.” Wandu wikaghirumiria malagho gha Hezekia, mzuri wa Juda.

ZABURI 118:8

Ni nicha kumrumiria BWANA, kuchumba kukusaghika na mdamu.

ZABURI 33:17

Kusuwiria wusimi ghuredwagha ni farasi ya wuda ni duu; ikeduaka na ndighi rake nyingi, ndeidimagha kukira.

ZABURI 9:20

Kuwioboshe ee BWANA! Kuwibonye wandu wa mbari zima wimanye kukaia awo ni wandu tu.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

ISAYA 20:4

niko koni mzuri wa Waashuru uchaawidwa Wamisri na Waethiopia wubarishonyi watini na wabaa wiko duu na maghu maduu, mashimba ghawo ghikiwoneka; Wamisri wipate kufushwa waya.

ISAYA 20:6

Na wandu wikaiagha pwani ya Filistia wichaghora ituku jija, ‘Wonenyi agha ghawipata wandu derewisuwirieghe na awo derekimbirieghe cha kwawo wipate kuditesia na kudikira na mzuri wa Waashuru! Da isi dikia wada?’”

ISAYA 30:16

mkaghamba, “Ndedikunde! Isi dichakimbia kwa farasi redu riwadie iseghe,” na huwo mchakimbia kwa farasi riwadie iseghe, ela awo wimmbingagha wichamnugha kwa shwa-shwa.

ISAYA 30:5

kula umu wa wandu wa Juda uchafushwa waya, kwa wundu ghwa wandu wisechaawitesia ilagho jingi, awo wisedimagha kuwiredia fwaida ingi hata wutesia ghungi, ela waya mduu.”

ISAYA 30:7

Wutesia ghufunywagha ni Wamisri ndeghuwadie fwaida ingi putu. Kwa huwo nawinekie Wamisri irina ngawiwanga ‘Choka isena wusungu.’”

ISAYA 36:6

Ola kwaawuyakusaghika na Misri iko sa mzata ghwa mrangi ghuchikie, ugho ghuchaamdunga mundu uo ose ughutumiagha. Niko iko huwo kula mundu ukusaghikagha na mzuri wa Misri.’

ISAYA 36:9

Mchadima wada kummbinga hata uo m'baa wa agho majeshi ghedu gha ndonyi, ikakaia muakusaghika na Wamisri wimneke magare na wajoki farasi?

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 17:5

BWANA waghamba huwu, “Mundu umsuwiriagha mdamu, na ngolo yake yaghalukie na mbai ikamsigha BWANA, uwado ni njowe.

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

EZEKIELI 28:9

Welee, kuchachuria kughamba wei ‘Ini ne mlungu,’ iji kuko imbiri ya wabwaghi wako? Oho ko mdamu tu, iji kuko mikonunyi kwa wandu wawuyakushoghonua.

AMOSI 2:15

Mundu uwadie ndana uchasimwa, na uo uko na iseghe, ndechaakukira moni hata uo ujokagha farasi wori ndechaakira irangi jake anduangi.

MATHAYO 15:14

Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”