ISAYA 31:2 - Biblia Ilagho Jiboie Kwa Wandu Wose

² Na uo nuo uwadie hikima, nuo utoteshagha. Uo ndeghalusagha malagho ghake, ela uchawikaba awo wibonyagha wuwiwi, na awo wiwitesiagha wabonyi kiwiwi.

ISAYA 31:2 ပူးပေါင်းရင်းမြစ်များ

AYUBU 12:13

“Hikima na kumanya veeka na BWANA, oko na njama na kumanya.

AYUBU 12:16

Oko na ndighi na wusimi, awo wikalilo na awa wikaliagha wose weeka mikonunyi kwake.

AYUBU 5:13

Wawiwada wandu wa hikima kwa mikalo yawo cheni, na kuimeria shwa mipango ya wandu wikalie.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 14:20

Oho ndekuchaarikwa kwa ishima sa wazuri wazima, kwa kukaia kwajinonie isanga jako, na kuwibwagha wandu wako. “Marina gha kivalwa cha wawiwi jingi ghisekumbuko.

ISAYA 21:17

Wandu wa ndana wa Kedari wiko na ndighi, wichasigharika watini; ini BWANA Mlungu wa majeshi naghamba.”

ISAYA 22:14

BWANA wa majeshi wanizerie, “Mawiwi agha ndeghichaafuilwa wughoma hata mwafwa; ini Bwana MLUNGU wa majeshi naghamba.”

ISAYA 28:21

Angu Mlungu uchawuka kulwa, seji orelueghe Mghondi ghwa Perazimu; uchajokwa ni machu seji gheremjokieghe aja vololonyi ya Gibeoni; upate kubonya kazi rake ra mashiniko! Uchabonya kazi rake naro ni kazi ra kighenyi.

ISAYA 28:29

Na hikima ihi yose yadafuma kwa BWANA wa majeshi. Njama rake ni ra mashiniko richuagha hikima ndicha.

ISAYA 30:3

Kwa wundu ugho wichafushwa waya wikakaia aisi ya wulindiri ghwa mzuri; na kuja kukuwika aisi ya kiju cha Misri kuchawibonya wikaie wa ndonyi.

ISAYA 30:7

Wutesia ghufunywagha ni Wamisri ndeghuwadie fwaida ingi putu. Kwa huwo nawinekie Wamisri irina ngawiwanga ‘Choka isena wusungu.’”

ISAYA 31:3

Wamisri ni wadamu tu si Mlungu kungi; farasi rawo ni nyamandu riko na mimbi, si roho ringi. BWANA ukaghorua mkonu ghwake, mbari ya wandu iwadie ndighi ichakuwa, na iyo mbari yaawuyateselwa ichaghwa; na huwo wose wichatota.

ISAYA 32:6

Mkelu wadadeda wukelu ghwake, na maghesho ghake ghadakaia aighu ya wuwiwi. Wadamsholia Mlungu na kuwisigha awo wisewadie vindo wikaie njala na awo wisewadie machi wikaie kau.

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 10:12

Ela BWANA oreumbieghe ndoenyi kwa ndighi rake, uo umangishire wurumwengu kwa hikima yake, na kwa kumanya kwake, ukaala mlungunyi.

JEREMIA 10:7

Nani usekuobuagha oho ee Mzuri wa iro mbari ra wandu? Angu kwafwana oho kuwusa ijo ishima; angu ndekuwadie ungi sa oho, aghadi ya wandu wa akili wa iro mbari, hata aghadi ya mawuzuri ghawo ghose.

JEREMIA 36:32

Niko ngawada chuo kizima, ngamneka uja muandiki Baruku mwana wa Neria, uo oreandikieghe malagho ghose neremghorieghe ini Jeremia andenyi ya chija chuo cherekoreloghe ni Jehoiakimu mzuri wa Juda, ukaandika sena na kuchuria malagho mazima aighu ya agho gha imbiri.

EZEKIELI 29:6

“Niko aho wandu wose wa Misri wichamanya kukaia Ini ne BWANA; kwa kukaia oho kodeeka sa mzata ghwa mrangi kwa wandu wa Israeli.

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

ZEFANIA 3:8

“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

MITALO 10:35

Ngelo iyo yose Sanduku ya Ilaghano erezoyagha kudukwa, Musa orekoghe ukighamba, “Wuka ee BWANA, kuwisaghise wamaiza wako; na awo wizamilwagha ni oho, ndewikimbie imbiri yako.”

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

WAROMA 16:27

kwake uo Mlungu wa hikima uekeri, ndeghukaie wubaa kwa kala na kala, kwa Jesu Kristo! Amen.

JOSHUA 23:15

Na sa iji koni BWANA Mlungu oremnekieghe maza rose ndicha karakara na ilaghiro jake, ni huwokoni uchamredia mawiwi ghose hata wameria kumtotesha mmbose na kumfunya kwa iji isanga jiboie BWANA Mlungu onyu oremnekieghe;

JUDA 1:25

kwa uo Mlungu uekeri, Mkiri odu kwa chia ya Jesu Kristo Bwana odu, ndeghukaie wubaa, na wuzuri, na kubonya nguma, na kudima, imbiri ya ngelo rose, idana, hata kwa kala na kala. Amen.

1 SAMUELI 2:3

Msedede malagho gha kukukasa sena, kukuduka kungi kusefume memunyi konyu; angu BWANA ni Mlungu wa kumanya, na uo wadaghipima mabonyo ghose.