ISAYA 30:8 - Biblia Ilagho Jiboie Kwa Wandu Wose

⁸ Mlungu ukanizera nighende na kuandika imbiri kwawo aighu ya kishawalata cha igho, na andenyi ya chuo, ghupate kukaia wushuhuda ghwa toe ghowonyera seji wandu awa wizamie.

ISAYA 30:8 ပူးပေါင်းရင်းမြစ်များ

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

ISAYA 34:16

Lolenyi andenyi ya chuo cha BWANA mshome, nenyo mchawona kukaia ingi ya iro nyamandu ndeisowekie aho, na kula imu ndeichaasowa mmbao wa womi kwa kukaia momu ghwa BWANA ghwajighorie ilagho ijo, na Roho wake nuo urikwanyagha iro nyamandu.

ISAYA 8:1

Niko BWANA ukanizera, “Wada m'bau m'baa, kuandike aighu yaro mbari mbaa reshomeka nicha, ‘Ni ya Maher-shalal-hash-bazi.’”

JEREMIA 23:20

Machu gha BWANA ndeghichaawuya nyuma, hata ghakatisha makusudio ghake, sa iji koni waghesha kubonya. Malagho agha ghichamtambukia nicha ngelo richagha.

JEREMIA 30:2

“Malagho ghose nakuzera, kughiandike chuonyi.

JEREMIA 36:2

“Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 36:4

Niko ngammbanga Baruku mwana wa Neria, na Baruku ukaandika andenyi ya chuo malagho ghose nimghorie, agho nereghoreloghe ni BWANA.

JEREMIA 48:47

Ela kutuonyi nichammbunjira Moabu mecha ghake, ini BWANA naghamba.” Uko niko kutanywa kwa Moabu.

JEREMIA 51:60

Nereandikieghe andenyi ya chuo mawiwi ghose aighu ya muzi ghwa Babuloni, agho malagho ghose nereghiandikieghe aighu ya Babuloni.

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

HABAKUKI 2:2

BWANA ukanitumbulia, “Andika iri maza nikuwonyeragha worinyi aighu ya vishawalata va magho, eri uo ushomagha udime kughishoma kwa shwa-shwa.

MITALO 24:14

Balaamu ukamzera Balaki, “Ola idana niaghala cha mzedu, ela choo nikughorie seji awandu wichaawibonya wandu wako matuku ghichagha.”

WUKUMBUSO 31:19

“Kwa huwo idana andika ulu lumbo, kuwifundishe wandu wa Israeli; lupate kunishuhudiagha aighu yawo.

WUKUMBUSO 31:22

Niko Musa ukaandika ulu lumbo ijo ituku jeni, na kulufundisha wandu wa Israeli.

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

WUKUMBUSO 4:30

Iji kwangilwa ni wasi, na kupatwa ni maza iri rose, kutua kuchamghalukia BWANA Mlungu wako na kumsikira.

1 TIMOTHEO 4:1

Idana Roho waghora worinyi kukaia, matuku ghichagha wandu wamu wichajisigha ijo irumirio, na kusikira roho rikaliagha na mafundisho gha pepo;

2 PETRO 3:3

Ilagho ja imbiri, suti mtambukilo kukaia matuku gha kutua mbai, wandu wisekagha kwa lumenyo wichacha wikiseka kwa kunugha bea rawo weni,

JUDA 1:18

Weremghorieghe huwu, “Ngelo ya kutua mbai, kuchakaia na wandu wisekagha, winughagha bea rawo reni risewadie kuobua kwa Mlungu.”