ISAYA 30:6 - Biblia Ilagho Jiboie Kwa Wandu Wose

⁶ Agha ni malagho gha Mlungu aighu ya nyamandu ra Negebu. “Wandu widumilo waidia isanga ja ndengwa andu kuko na shimba ra waka na ra womi, na choka riko na wusungu, na iro riburukagha. Waduka mali rawo na punda, na misigo yawo ya zoghori kwa ngamila, kuwighenjera wandu wisedimagha kuwitesia na ilagho jingi.

ISAYA 30:6 ပူးပေါင်းရင်းမြစ်များ

KUZOYA 12:9

Abramu ukachuria kughenda cha Negebu.

1 WAZURI 10:2

Orechanyeghe na wadumiki wengi, na ngamila raduka marumba, na dhahabu nyingi na magho gha zoghori mbaa. Hata iji wavika Jerusalemu, ukamghoria Solomoni agho ghose gherekoghe ngolonyi kwake.

2 MALAGHO GHA NGELO 16:2

Niko Asa ukawada feza na dhahabu rerekoghe andenyi ya mali ya Hekalu ya BWANA na ngome ya mzuri, ukamdumia Ben-hadadi mzuri wa Siria orekoghe ukikaia Dameshki ukighamba,

2 MALAGHO GHA NGELO 9:1

Nao iji malkia wa Sheba wasikira sare ya Solomoni, ukacha Jerusalemu kumtima Solomoni na makoto ghikurie. Ukanughana na wadumiki wengi, na ngamila raduka vilungo na dhahabu nyingi na magho gha zoghori mbaa. Iji wacha kwa Solomoni, ukamja malagho ghose orekoghe nagho ngolonyi kwake.

AYUBU 39:11

Kwadima kuisuwiria angu iko na ndighi nyingi? Kwadima kuisighia kazi rako?

KUFUMA 1:14

wikabonya maisha ghawo kukaia gha wasi kwa wundu ghwa kazi rikurie; kazi ya chokaa na matofali, na kula kazi ya mbuwenyi; kwa kula kazi yawo, werewidumikishireghe kwa kubia.

ISAYA 14:29

“Msakeboilwa inyo mmbose Wafilisti, mkikalikia wei ghuja mzata ghoremkabieghe ghoochika; kwa kukaia choka ichafunya choka iko na wusungu, nayo ichava choka iburukagha.

ISAYA 15:7

Kwa huwo wandu waawuyaduka vilambo wivipatire, na ivo werewikieghe na kuruwuka navo Vololo ya midi ya mierezi.

ISAYA 19:4

nani nichawingira Wamisri mikonunyi kwa bwana mkorongi, nawo wichabonyerwa nguma ni mzuri ubirie, ini Bwana, Uo BWANA wa majeshi naghamba.”

ISAYA 35:9

Shimba ndeichaawoneka aho, hata nyamandu ibirie ndeichaakaia aho anduangi hata kuwoneka koni nderichaawoneka, ela awo wandu wikombolo wichaghenda na iyo chia.

ISAYA 5:30

Wicharuma ituku jija sa kuruma kwa bahari, na uo uchaazighana uchawona kira na wasi; mwengere ghwaro ghwafinikirwa ni mawingu gharo.

ISAYA 57:9

Mwabonyere charo kwendatasa Moleki, mwadwae mavuda na marumba mengi; nenyo mwawiduma wandu wengi noko kula hata Andu kwa Wafu.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

JEREMIA 11:4

Nerewilaghirieghe weke ndeyo ilaghano ijo, ngelo nerewifunyagha isanga ja Misri, kufuma ijo iriwa ja modo, ngighamba, munisikire na kubonya malagho agho nimlaghiragha, mpate kuwuya wandu wapo na ini nikaie Mlungu onyu;

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

EZEKIELI 20:46

“Mwana wa mdamu, zighana cha kusinyi, kuchile aighu ya wandu wa kusinyi na kufunya wulodi aighu ya isanga ja msidunyi jiko Negebu.

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

MIKA 6:14

Kuchaja, ela ndekuchaaghuda; kuchasigharika na njala yako wokoni. Kuchaduka vilambo, ela ndevichaawikika; na icho chose kuchachiwika akiba, nichachinona na wuda.

ZEKARIA 6:6

Igare jerekokotwagha ni farasi ra chilu, jadaghenda cha isanga ja kaskazinyi aho Babuloni; ijo ja farasi ra chokwa jadaghenda cha isanga ja magharibi, na ijo ja farasi ra maboli gha fusi fusi jadaghenda cha isanga ja kusinyi.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MITALO 21:8

BWANA ukamzera Musa, “Bonya choka ya shaba kuijose aighu nguronyi, na kula mundu walumwa ukaizighana uchakaia moyo.”

MATHAYO 12:42

“Malkia wa kusinyi uchawuka andwamweri na kivalwa ichi kutanyonyi, nao uchachitanya kukaia chakosere. Angu uo orechieghe kufuma kula, kusikira malagho gha hikima ya Solomoni. Na aha jeko ilagho ibaa kuchumba Solomoni.

WUKUMBUSO 17:16

Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

WUKUMBUSO 4:20

Ela BWANA wammbwadie inyo, ukamfunya Misri modonyi ghwa iwiwi ja chuma; ukamfunya mpate kukaia wandu wake moni seji iko idime.

WUKUMBUSO 8:15

Ukamghenja kuidia kireti cheobosha, chiko na choka ribirie na weke mwambandenyi, na andu kuomie kusene machi; nao ukamfunyira machi ighonyi jikurie kuu.