ISAYA 30:1 - Biblia Ilagho Jiboie Kwa Wandu Wose

¹ BWANA waghamba, “Ni bugha kwa awo wana winileghagha, awo wikatishagha mipango iseko yapo; wibonyagha mapatano ghisefumanyagha na kukunda kwapo, wikichuria kaung'a aighu ya kaung'a.

ISAYA 30:1 ပူးပေါင်းရင်းမြစ်များ

2 WAZURI 18:21

Zighana kwaawuyakusaghika na Misri mrangi ghufashikie tu, nagho ghwadima kudunga mundu vala uo ughuwadagha; huwo niko Mzuri wa Misri uko kwa kula umu ukusaghikagha nao.

2 WAZURI 18:24

Kudima wada kusima m'baa wa ijeshi jimweri ja bwana wapo ikakaia kwakusaghika na Misri kwa wundu ghwa magare na wajoki farasi?

ZABURI 61:4

Leka nikaie Hekalunyi kwako irangi japo jose, nipate kulindilwa aisi ya kiju cha mawawa ghako.

ISAYA 1:2

Sikirenyi, ee mlungunyi, kudeghe kudu, ee ndoenyi, angu BWANA waghamba, “Nalelie wana wikazoghua, ela wanilegha.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 1:5

Kwaki mduagha mkilegha kusikira na kukunda kukabwa ee Israeli? Chongo chako chose ni mkongo, na ngolo yako yose yaawuyadumbuka.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

ISAYA 28:20

Mchakaia sa mundu ulaliagha wuli mvui nandighi usekatagha, na karakara na mundu ukufinikiragha kipako cha shuka suse nandighi isemkatagha.

ISAYA 29:15

Ni bugha kwa awo wimvisagha BWANA njama rawo, awo wiwikie mabonyo ghawo andenyi kivisonyi, na kukotia, “Nani udiwonagha? Na nani udimanyagha?”

ISAYA 30:9

Ngelo rose wakaia waleghi na wandu weghora tee; wandu wisedimagha putu kusikira malaghiro gha BWANA;

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 4:5

Niko BWANA uchabonya aighu ya Mghondi ghose ghwa Sioni, na aighu ya ikwanyiko jose ja wandu, iwingu jiwoneke ngelo ya nadime, na mosi, na lumu lwa modo ghuakagha ngelo ya nakio; wubaa ghwa Mlungu ghuchafinikira ugho muzi sa chandarua na kughulindia.

ISAYA 5:18

Ni bugha kwa awo wirudagha kaung'a na kamba ra mikalo, na wuwiwi sa kuruda na kamba ra magare.

ISAYA 63:10

Ela weremleghieghe wikamvavira Roho Mweli, nao moni ukaghaluka kukaia m'maiza wawo, ukawoka kulwa nawo.

ISAYA 65:2

Matuku ghose nadaighorua mikonu yapo kwa wandu wileghie, awo wighendagha kwa chia riseboie; na kunugha mighendo yawo cheni.

ISAYA 8:11

BWANA waghorie kwa ndighi mbaa ukinikania nisenughe mighendo ya awa wandu ukighamba,

ISAYA 8:12

“Kusengie njama ra awa wandu; kuseobuo maza wawuyariobua, hata kusekaie na kiture chingi.

ISAYA 8:19

Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

JEREMIA 17:5

BWANA waghamba huwu, “Mundu umsuwiriagha mdamu, na ngolo yake yaghalukie na mbai ikamsigha BWANA, uwado ni njowe.

JEREMIA 2:18

Idana kupata fwaidaki kwa wundu ghwa kughenda Misri, na kuaendanywa machi gha Moda gha Naili? Angu kupata fwaidaki kwa wundu ghwa kughenda Ashuru, kuendanywa machi gha Moda ghwa Eufrate?

JEREMIA 37:7

“Ini BWANA, Mlungu wa Israeli naghamba, kumzere huwu mzuri wa Juda, uo ukudumie kwapo kunikotia malagho, ‘Ola ijeshi ja Wamisri ijo jerechieghe kukutesia, jalighisa kuwuya Misri isangenyi kwawo koni.

JEREMIA 4:17

wichaghurughaia ugho muzi ghwa Jerusalemu, sa iji wandu wilindiagha mbuwa; kwa kukaia wanileghie ini, huwo niko BWANA waghamba.

JEREMIA 42:19

“BWANA wamzera huwu ee masighariko gha Juda, ‘Mseghende Misri.’ Manyenyi kukaia namghoria idime iji

JEREMIA 5:23

Ela awo wandu weeka na ngolo rikurie relegha kusikira; wamerie kughaluka nambai na kughenda noko.

EZEKIELI 11:2

Nao Mlungu ukanizera, “Mwana wa mdamu, awa niwo wandu widungagha malagho gha wuwiwi, na kufunya njama ra wuwiwi andenyi ya ughu muzi.

EZEKIELI 2:3

Ukanizera, “Mwana wa mdamu, ini naawuyakuduma kwa wandu wa Israeli, iyo mbari isesikiragha, awo winileghagha; awo chiaimweri na weke ndee wibonyere makosa aighu yapo hata linu.

EZEKIELI 24:3

Deda mfwano ughu kwa wandu welegha kuwizere, Bwana MLUNGU waghamba huwu: Wikiria nyungu modonyi kuichure machi.

EZEKIELI 29:16

Misri ndeichaakaia isuwirio ja Waisraeli sena, ela ichakaia lukumbuso lokumbusa Waisraeli ikosa jawo jekusaghika na Wamisri. Aho niko wichamanya kukaia ini ne Bwana MLUNGU.”

EZEKIELI 3:9

nichakubonya kukaie sa igho jikurie nandighi, kusakewiobua hata kusakewifwa waya, angu awo ni wandu welegha.”

HOSEA 11:6

Wuda ghuchabuka na mizi yawo ichanonwa, na kuchikanya minyango ya mbenge rawo; nawo wichamerelwa andenyi ya ngome rawo.

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

HOSEA 7:13

“Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

ZEKARIA 4:6

Malaika ukanizera nimghorie Zerubabeli agha malagho gha BWANA huwu, “Kuchasima, ela si kwa ndighi ra kiwuda angu kwa ndighi rako, ela kwa Roho wapo.

MITALO 32:14

Idana wonenyi nenyo mwawuka wulalo ghwa weke ndeyo, kivalwa cha wandu wa kaung'a; mpate kughichuria agho machu ghibirie gha BWANA aighu ya Israeli!

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

WUKUMBUSO 29:19

Mndungi onyu uko aha idime usikiragha malagho gha ilaghano ijo ja ighemi, nao uhoreshe ngolo yake ukighamba, wei ukeduasikira agho malagho na kughilisha ngolo yake ndewonagha ilagho jingi. Ilagho ijo jichareda kutota kwa wose wiboie na wizamie wori.

WUKUMBUSO 9:24

Kufuma nazoya kummanya, inyo mwadamlegha BWANA toe.

WUKUMBUSO 9:7

“Jingi mseliwe seji morem'bonyereghe BWANA Mlungu onyu ukakaia na machu kireti. Kufuma ituku mfumie isanga ja Misri hata kuvika aha, modeeka mkilegha kumsikira BWANA.

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

JOSHUA 9:14

Niko wandu wa Israeli wikarumiria kwa wundu ghwa vindo vawo, ela ndewerelolieghe njama kwa BWANA anduangi.