ISAYA 3:8 - Biblia Ilagho Jiboie Kwa Wandu Wose

⁸ Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 3:8 ပူးပေါင်းရင်းမြစ်များ

2 MALAGHO GHA NGELO 28:18

Na Wafilisti werebonyereghe wuda na mizi ya Shefela, Negebu Juda; wikawada Beth-shemeshi, Aijaloni, Gederothi, Soko na mizi yaro mitini, Timna na mizi yaro mitini, na Gimzo na mizi yaro mitini; wikakaia aho.

2 MALAGHO GHA NGELO 33:11

Kwa huwo BWANA ukawiredia vilongozi va ijeshi ja mzuri wa Ashuru, wikamngira Manase kiloo cha mbua, wikamfunga na pingu ra shaba, na kumghenja Babuloni.

MAKATANISHO 26:27

Mundu ukoteragha wazima kina, uchachunuka andenyi, na mundu ubingilishiragha wambenyu igho, jichammburia moni.

ISAYA 1:7

Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

ISAYA 49:19

“Kwa loli isanga jako jerenoneloghe, na kuwuya iduu, ela idana ndejichaawikata awo wichagha; na awo werekusaghisireghe, wichakaia kula.

ISAYA 57:4

Nani mwawuyamsarighia? Nani mwawuyamuasamia na kumfunyira chumi? Welee, inyo si wana wa makosa, kivalwa cheghora tee?

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 23:36

Ela msigo ghwa BWANA ndemchaaghughora sena anduangi; angu kula ilagho ja mundu nijo jeni msigo ghwake; na inyo mwamerie kughinona malagho gha Mlungu uko moyo, uo BWANA wa majeshi, Mlungu odu.

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 26:6

nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 44:3

kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

KILILO CHA JEREMIA 1:9

Wuchafu ghwake ghorewonekieghe worinyi, ela nderetalieghe kutua kwake kukaia wada. Kughwa kwake korekoghe koobosha; mndungi usedimagha kumhoresha. Wasimwa ni wamaiza wawo, nawo wamkemia BWANA uwifuye wughoma.

EZEKIELI 8:12

Niko Mlungu ukanizera, “Mwana wa mdamu, kwawona seji awaghosi wa wandu wa Israeli wawuyabonya akirenyi? Kula umu wawo waawuyatasa mlimu ghwake achumbenyi ukighamba, ‘BWANA ndewuediwona, BWANA wamerie kusigha iji isanga.’”

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’

HOSEA 5:5

Kukukasa kwa wandu wa Israeli kwawuyawishuhudia. Kaung'a rawo rawikuwara wikaghwa, na wandu wa Juda wori wichaghwa chiaimweri.

HOSEA 7:16

Wanisighie na kuighalukia milungu isewadie ndighi; wakaia sa ndana ikomekie isedimagha kusuwirilwa. Wabaa wawo wichabwaghwa wudenyi angu wikukasire, na Wamisri wichawiseka.”

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

MIKA 6:12

Wazuri wako wa mali waawuyasoka wakiwa na inyo mmbose mooka watee.

HABAKUKI 1:13

Kudima wada kurumaghianya na awa wandu wawiwi wikalie ee BWANA? Kwa kukaia meso ghako ni gha wueli ghisekundagha kuzighana mawiwi na makosa. Kwaki kunyamagha kima ingelo awo wandu wawiwi wiwitoteshagha wandu wa hachi kuwichumba awo?

1 WAKORINTHO 10:22

Wele diam'bonya Bwana uwado ni iriso? Kwani deko nandighi kumchumba?

JUDA 1:15

kuwitanya wandu wose, na kuwiwonyera mabonyo ghawo ghose ghiseko na kuobua kwa Mlungu, agho wibonyere kwa iyo chia iseko na kuobua kwa Mlungu; na kwa wundu ghwa maza rose rizamie awo wakaung'a wisewadie kuobua kwa Mlungu wiridedie aighu ya Mlungu.”