ISAYA 3:5 - Biblia Ilagho Jiboie Kwa Wandu Wose

⁵ Wandu wichakorongana weni na weni, kula mundu na mmbao, na kula mundu na mmbenyu; wandu wa irika ndewichaawitala waghosi, na awo wa ndonyi ndewichaawitala wabaa.

ISAYA 3:5 ပူးပေါင်းရင်းမြစ်များ

2 WAZURI 2:23

Nao Elisha ukafuma Jeriko ukaghenda Betheli; hata iji orekoghe ukighenda chienyi wana wamu watini wa womi wifumie mzinyi wikamsarighia na kumdema sare wikighamba, “Ghenda noko mwakangalu ungi! Ghenda noko mwakangalu ungi!”

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 11:13

Iriso ja Israeli jichasia, na wamaiza wa Juda wichainjwa; Israeli ndechaammbonia Juda iriso, na Juda ndechaamsumbua Israeli.

ISAYA 19:2

BWANA waghamba, “Nichawinyavurisha Wamisri, nawo wichalwa weni na weni, wichalwa mundu na mruna, na mundu na mmbao. Muzi kwa muzi na wuzuri kwa wuzuri.

ISAYA 9:18

Wuwiwi ghwa wandu ghuakora sa modo ghukoragha visachi va minjwa ghuakagha sa modo ghwa msidunyi, ghujosagha mosi sa ikungughu.

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

EZEKIELI 22:12

Andenyi kwako wandu wamu wadatuwa wibwaghe wandu. Mwadaboilwa kuwivara wambenyu fwaida kwa kuwikoronga, nenyo mwaniliwa ini Bwana MLUNGU.

WALAWI 19:32

“Kummbukie kimusi mghosi uko na imbu kwa kumneka ishima, kumuobuo Mlungu wako; ini ne BWANA.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

ZEKARIA 11:6

(BWANA waghamba, “Sichaakaia na wughoma ghungi na wandu wa isanga iji. Nichawika kula mundu aisi ya nguma ra m'baa wake. Wabaa wichakoronga ndoenyi, nani sichaakira ungi wawo na ndighi rawo anduangi.”)

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MATHAYO 26:67

Niko wikamchuya mada wushunyi na kumkaba, na wamu wikamkaba na chui

MARKO 14:65

Wandu wamu wikawoka kumchuya mada, na kumfinikira wushu ghwake na kumkaba wikimzera, “Loda! Nani wakukaba?” Nao walindiri wikammbusa wikimkaba na chui.

LUKA 22:64

Wikamfunga meso na kitambaa na kumkotia, “Loda! Nani wakukaba?”

JAKOBO 2:6

Ela inyo mwamsowia ishima uo mkiwa. Welee, awandu weni wiko na mali siwo weni wawuyamkoronga, wikimmbwada na kumghenja kotinyi?

JAKOBO 5:4

Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.