ISAYA 3:25 - Biblia Ilagho Jiboie Kwa Wandu Wose

²⁵ Wandu wenyu wa womi wichabwaghwa kwa lufu; na wandu wenyu mang'oni wichabwaghwa wudenyi.

ISAYA 3:25 ပူးပေါင်းရင်းမြစ်များ

2 MALAGHO GHA NGELO 28:6

Peka mwana wa Remalia ukabwagha wandu elfu ighana na mirongo iwi, wose wiko mang'oni gha wuda wiwadie ndighi andenyi ya Juda kwa ituku jimweri; werebwaghiloghe huwo angu weremsighieghe BWANA, uo Mlungu wa weke ndee.

2 MALAGHO GHA NGELO 29:9

Kwa wundu ugho, weke aba wikabwaghwa, na wana wedu wa womi na wa waka, na waka wedu wikadwalwa wunyika.

ISAYA 1:20

ela mkalegha kusikira putu, mchatoteshwa kwa lufu, angu ini BWANA naghora ilagho iji.”

ISAYA 65:12

Nichammbikia kufwa wudenyi na inyo mmbose mchabwaghwa, kwa kukaia iji neremmbangieghe, ndemoredikieghe; hata ndemorenisikireghe iji nerekoghe ngideda; ela morebonyereghe wuwiwi mesonyi kwapo, na kusaghua agho nisereghikundieghe.”

JEREMIA 11:22

kwa wundu ugho BWANA wa majeshi waghora huwu, “Ola nichawikaba, na wandu wa irika wichabwaghwa kwa lufu, na wana wawo wa womi na wa waka wichabwaghwa ni njala.

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

JEREMIA 15:8

Nachurie mtalo ghwa waka wawo wifuilo ni womi, wikakaia wengi kuchumba msangagha ghwa baharinyi. Nawiredia weke mao wasi kwa wundu ghwa wana wawo, kwa kuwiredia mtoteshi ngelo ya dimeghadi; Nabonyere kuwawa na wowa ghuwichee ghafla.

JEREMIA 18:21

Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

JEREMIA 19:7

Mipango wereibonyereghe wandu wa Juda na Jerusalemu andu aha nichainona, na kuwibonya wandu wawo wibwagho wudenyi ni wamaiza wawo, na awo wilolagha kughitotesha marangi ghawo. Nicharineka nyonyi ra mbeonyi na nyamandu ra isakenyi gharia ra mimbi yawo.

JEREMIA 21:9

Uo ose uchaakaia andenyi ya ughu muzi, uchabwaghwa wudenyi, na kwa njala, na saka izamie; ela uo uchaafuma na kukungira mikonunyi kwa Wakaldayo awo wamrughaia, uchakira irangi jake, nao uchapata irangi jake sa zawadi ya wuda.

KILILO CHA JEREMIA 2:21

Wandu wa irika na waghosi weefuya achienyi, wai na wadawana weebwaghwa na chufu ni wamaiza. Kwawibwaghie kuseko na wughoma ituku kujokelo ni machu.

AMOSI 9:10

Wakaung'a wose wa wandu wapo wichabwaghwa wudenyi, awo wighambagha, ‘Isi ndedidimagha kupatwa ni ilagho jingi.’”