ISAYA 3:23 - Biblia Ilagho Jiboie Kwa Wandu Wose

²³ marinda gha mala-mala, marwao gha kitani, viremba, na vitambaa vekufinikira wushu.

ISAYA 3:23 ပူးပေါင်းရင်းမြစ်များ

KUZOYA 24:65

ukamkotia uja mdumiki wa Abrahamu, “Welee, uja mundu uselaa-sela mbuwenyi akimonu aja wawuyacha nokunu nani?” Nao ukamtumbulia, “Nuo bwana wapo.” Nao Rebeka ukawada kitambaa ukafinikira wushu ghwake.

KUZOYA 41:42

Niko Mzuri ukaifunya pete ya muhuri kufuma chalenyi kwake, ukamngira Josefu chalenyi kwake, ukamrusha na marwao ghiboie gha kitani wori, na mkufu ghwa dhahabu singonyi kwake.

1 MALAGHO GHA NGELO 15:27

Daudi ukarwa ijoho ja kitani ndicha, seji Walawi wose wererwaeghe awo weredukieghe Sanduku, na wabori, na Kenamia uo kilongozi wa muziki ghwa wabori. Sena Daudi ukarwa efodi ya kitani ndicha.

KUFUMA 38:8

Ukabonya beseni ya shaba, na kilambo charo cheiwikiria cha shaba, erebonyeroghe kwa vilole va waka werekoghe wikidumika mnyangonyi ghwa Hema Ekwania.

LUMBO 5:7

Walindiri wa muzi wereniwonieghe; wikanikaba na kunishoghonua, wikanisoka ikoti japo, wikaenda najo.

ISAYA 3:22

nguwo ra ndima, nguwo rekumba, majoho, na mifuko ya vala,

ISAYA 3:24

Wulalo ghwa marumba mecha, kuchakaia kunuka kiwiwi; wulalo ghwa mshipi, kuchakaia kamba; wulalo ghwa iridia jilukilo nicha, kuchakaia kukangaluka; wulalo ghwa nguwo iboie, kuchakaia nguwo ra magunia; wulalo ghwa kughoka, kuchakaia kuzama.

ISAYA 47:2

Wada igho jesha, kushe mufu; inja shela yako. Inja irwao jako, kusune nguwo rako maghunyi; kuruwuke meda.

EZEKIELI 16:10

Ngakurusha nguwo itolelo, na kukungira vadu va mrongo; nerekurushireghe nguwo ra kitani ndicha, na marwao gha zoghori mbaa gha hariri.

ZEKARIA 3:5

Ukawilaghira awo werekoghe aho wimrushe Joshua kiremba chielie chongonyi kwake. Wikamngira icho kiremba chielie chongonyi kwake, na kumrusha nguwo malaika wa BWANA ukikaia kimusi kaavui nao.

LUKA 16:19

“Korekoghe na mndumu mzuri urwae nguwo ra zambarau na kitani iboie, ukija manori na maseko matuku ghose.

WUFUNUO 19:14

Majeshi gha mlungunyi, ghirwae kitani ndicha ya chokwa choo ghijokagha farasi, ghikamnugha.

WUFUNUO 19:8

Na uo muka orenekeloghe nguwo iboie ya kitani ndicha, ielie, ing'alaa-ng'ala;” (na iyo kitani ndicha ni mabonyo gha hachi gha awo waeli.)

RUTHU 3:15

Boazi ukamzera, “Rua shuka yako kuiale aha.” Nao ukaiala, na Boazi ukamdungia kilo mirongo iwi ra shairi, ukamdukishira; nao ukaghenda cha mzinyi.