ISAYA 3:13 - Biblia Ilagho Jiboie Kwa Wandu Wose

¹³ BWANA wakaia tayari kureda mashitakio ghake, wakaia tayari kuwitanya wandu wake.

ISAYA 3:13 ပူးပေါင်းရင်းမြစ်များ

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 74:22

Wuka ee Mlungu, kukudederie, kumbuka seji wandu wisekutalagha wawuyakuseka dime dii.

ZABURI 82:1

Mlungu waseria kifumbi chake cha mwandu ghwa mlungunyi; waawuyatanya aghadi ya milungu.

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

ISAYA 51:22

BWANA, uo BWANA Mlungu wako ukudederiagha waghamba huwu, “Ola icho kikombe chawuyakutatarisha nameria kuchiinja mkonunyi kwako, ndekuchaanywa icho kikombe cha machu ghapo sena anduangi.

ISAYA 66:16

BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

JOELI 3:12

“Suti mbari zima wikuwike tayari kusea cha Vololo Etanya. Ini BWANA nichasea kidombo aho nipate kutanya mbari rose ra wandu wimarie mbai mbai.

MIKA 6:1

Sikirenyi seji BWANA ughoragha aighu ya Israeli. Wuka ee BWANA kurede mashitakio ghako. Mighondi mibaa na mitini ndeisikire agho kughoragha.

MIKA 6:2

Inyo mighondi muko misingi iduagha ya ndoenyi, sikirenyi seji BWANA uredagha mashitakio. BWANA washitakiana na wandu wake; uchasimana na Israeli.