ISAYA 3:10 - Biblia Ilagho Jiboie Kwa Wandu Wose

¹⁰ Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

ISAYA 3:10 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

ZABURI 58:11

Wandu wichaghamba, “Loli mhachi uchanekwa mafungu ghake; loli oko Mlungu utanyagha ndoenyi.”

KUFUMA 1:20

Kwa wundu ugho, Mlungu ukawibonyera nicha awo waka wevarisha, na wandu wikachurikia; wikachuria kukaia na ndighi.

MAKATANISHO 10:6

Mhachi wadarasimilwa, ela madedo gha mmbiwi ghadareda wuda.

MAKATANISHO 12:14

Mundu wadapata mecha kunughana na madedo ghake, sa iji koni upatagha mafungu gha kazi yake.

MAKATANISHO 13:21

Wakaung'a wadanughwa ni wasi kula andu, ela wahachi wadapata mafungu mecha.

MAKATANISHO 18:21

Madedo gha mundu ghadima kum'bonya ukaie moyo angu ufo, kwa huwo kuchaja agho kughidedie.

MCHILI 8:12

Mkaung'a wadima kubonya makosa mando ighana sena ukaie moyo. Naichi wadaghora wei mundu ukamsikira Mlungu, maza rimuendia nicha,

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

JEREMIA 15:11

BWANA ukaghamba, “Kwa loli nichakukira kwa wundu ghwa wucha, kwa loli nichawibonya wamaiza wako wikuvoye ngelo ya wasi.

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

JEREMIA 22:15

Kuaghesha kooka mzuri angu kusimanagha aighu ya kuagha na midi ya sida? Welee, ndeyo nderejieghe na kunywa, ukabonya agho ghiko gha loli na gha hachi? Aho niko orewonieghe mecha.

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

EZEKIELI 18:20

Mundu ubonyagha kaung'a uchafwa. Mwana ndechaalipilwa kaung'a ra ndee, hata ndee mwana ndechaalipilwa kaung'a ra mwana. Mundu wa hachi uchalipwa gha hachi; na mundu mmbiwi uchalipilwa gha wuwiwi.

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

MIKA 7:13

Ela ndoenyi kuchawuya ikara kwa wundu ghwa wuwiwi ghwa wandu wawuyaikaia.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

MALAKI 3:18

Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

LUKA 19:19

Nao ukamzera, ‘Na oho kuchabonya nguma aighu ya mizi misanu.’

WUKUMBUSO 12:25

Iji kwabonya nicha imbiri ya BWANA kwa kulegha kuija, kuchawona nicha na kivalwa chako.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.