ISAYA 3:1 - Biblia Ilagho Jiboie Kwa Wandu Wose

¹ Olenyi Bwana, uo BWANA wa majeshi, uchainja kula kilambo chisuwirilwagha ni wadamu, kufuma Jerusalemu na kufuma Juda; ikaiagha ni vindo, ikaiagha ni machi.

ISAYA 3:1 ပူးပေါင်းရင်းမြစ်များ

2 WAZURI 25:3

Ituku ja ikenda ja mori ghwa kana, njala erekoghe mbaa nandighi andenyi ya muzi, hata wandu ndewerewadieghe kindo chingi cheja anduangi.

ZABURI 105:16

BWANA ukareda njala isangenyi kwawo; ikameria vindo vose.

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

ISAYA 2:22

Sigha kumrumiria mdamu, uo urudagha miruke na mbua yake, kwa kukaia uo si kilambo chingi anduangi.

ISAYA 3:16

BWANA ukaghamba, “Waka wa Jerusalemu wakukasa, wikighenda na singo righorokie, wikizighana na meso ghiko na bea, wikighenda wikukasire, na njugha rikideda maghunyi kwawo,

ISAYA 36:12

Ela uja Rabshake ukawitumbulia, “Kwani M'baa wapo waaniduma nicheghora agha malagho konyu na kwa mzuri onyu muekeri? Nechi waaniduma kwa awa wandu wiko wurighenyi witanyiro wipate kuja mavi ghawo na kunywa maghocho ghawo.”

ISAYA 5:13

Kwa wundu ugho, wandu wapo wichabarishwa kwa kusowa kumanya kwawo; wandu wawo wa ishima wiafwa kwa njala na wengi wawo wiafwa kwa kau.

ISAYA 51:22

BWANA, uo BWANA Mlungu wako ukudederiagha waghamba huwu, “Ola icho kikombe chawuyakutatarisha nameria kuchiinja mkonunyi kwako, ndekuchaanywa icho kikombe cha machu ghapo sena anduangi.

ISAYA 9:20

Wandu wakukwanyira vindo andu kose isangenyi, na kuja icho chose wichiwonagha, ela wasigharika wiko njala wokoni; hata wiaja wana wawo weni.

JEREMIA 37:21

Kwa huwo Mzuri Zedekia ukafunya momu, wikaniwika wazenyi ya mlindiri, wikanineka mkate kula ituku ghufumagha chienyi ya waochi mikate, hata mikate yose ikasia. Kwa huwo ngakaia aho wazenyi ya mlindiri.

JEREMIA 38:9

“Bwana wapo mzuri, wandu awa wabonya wuwiwi ghuchumbie ghomkumba mlodi Jeremia andenyi ya kisima; nao uchabwaghwa ni njala aho, kwa kukaia ndekuwadie vindo vingi visigharikie mzinyi.”

JEREMIA 52:3

Loli kwa wundu ghwa machu gha BWANA, maza rikawinonekia wandu wa Jerusalemu na Juda, hata BWANA ukawifunya wikaie kula nao. Nao Zedekia ukamlegha mzuri wa Babuloni.

JEREMIA 52:6

Ituku ja ikenda ja mori ghwa kana, njala ikabia andenyi ya ugho muzi hata wandu wa ijo isanga wikasowa kindo chingi cheja.

KILILO CHA JEREMIA 5:4

Suti dilipie machi dawuyanywa, na mbande suti dirighuo.

EZEKIELI 14:13

“Mwana wa mdamu, isanga jikanibonyera kaung'a na kulemwa ni kukaia mloli kwapo, nao nighoruo mkonu ghwapo kuwiima vindo, na kureda njala aighu ya isanga, na kubwagha wandu na nyamandu.

WALAWI 26:26

Nichapunguza vindo venyu, hata ikaie waka ikumi wioche mkate ghonyu andenyi ya iriko jimweri; wichaghuwagha ugho mkate, nenyo mchaghuja na kulemwa ni kughuda.

AMOSI 4:6

“Ni ini neremredieghe njala andenyi ya kula muzi ghonyu; mkasowa vindo kula andu morekaieghe; ela hata huwo saki ndemorenighalukieghe.

MIKA 4:9

Idana kuliliaki nandighi huwu? Kwaki kujagha wasi sa muka ukumbagha lufu lova? Ni angu kusewadie mzuri? Mnjama wako oofwa?