ISAYA 29:2 - Biblia Ilagho Jiboie Kwa Wandu Wose

² ela Mlungu ucharedia muzi ghwa Jerusalemu wasi; muzi ughoni ghuwangwagha “Madhabahu ya Mlungu;” kuchakaia na kililo na kukema mchungu, na muzi ghose ghuchakaia sa madhabahu yachulwa ni bagha.

ISAYA 29:2 ပူးပေါင်းရင်းမြစ်များ

ISAYA 1:14

Roho yapo yadazamilwa ni kutasa konyu kwa Ndima ra Mori Lukombe na Sabato, ranilemeria nandighi sidimagha kuriduka.

ISAYA 10:32

Idime jeni wamaiza wichalala Nobu, nawo wichaghuzaruma Mghondi ghwa Sioni, ugho mghondi ghwa Jerusalemu.

ISAYA 17:14

Nakenyi wiaobosha, ela nakesho ndewiko anduangi. Ijo nijo ifungu ja wandu wididwagha wunyika, awo widisokagha mali redu.

ISAYA 3:26

Mbenge ra muzi ghwa Jerusalemu richalila na kukema mchungu; na muzi ghuchakaia sa muka wasea kidombo wasighwa duu.

ISAYA 34:6

Lufu lwa BWANA luchachulwa ni bagha rawo na kurogha mavuda ghawo, sa bagha na mavuda gha wana wa ng'ondi na wa mburi, kara kara na mavuda gha figho ra bauru. Kwa kukaia BWANA uchafunya kizongona aja Bosra na kubwagha wandu wengi isanga ja Edomu.

ISAYA 36:22

Niko Eliakimu mwana wa Hilkia, uo orekoghe m'baa wa nyumba ya mzuri na Shebna uo orekoghe muandiki, na Joa mwana wa Asafu, uo orekoghe karani, wikamchea Hezekia na nguwo rawo wameria kurirashua kwa wasi; wikamghoria malagho ghereghoreloghe ni uja Rabshake.

ISAYA 37:3

Wikaghenda na kumzera, “Hezekia waghamba, ‘Idime ni ituku ja wasi, na kurashwa, na kusowelwa ishima; wana wakaia tayari kuvalwa ela ndighi rekumba lufu nderiko.

KILILO CHA JEREMIA 2:5

BWANA waitoteshere Israeli sa m'maiza; wabonyere ngome rake rose riwuye maghacho; wawiredia wandu wa Juda wasi ghusesiagha.

EZEKIELI 22:31

Kwa huwo niko nidirie machu ghapo aighu kwawo, na kuwimeria na modo ghwa lubio lwapo; na wuwiwi ghwa mabonyo ghawo ghuchakaia aighu yawo weni. Ini Bwana MLUNGU naghamba.”

EZEKIELI 39:17

“Na oho ee mwana wa mdamu, Bwana Mlungu wakuzera huwu: Zera nyonyi ra mbari rose na nyamandu ra mlambenyi rikwanyike kufuma andu kose, riche karamunyi ya kizongona nawuyaibonya kwa wundu ghwawo; kizongona kibaa nandighi nichaachibonya aighu ya mighondi ya Israeli; naro richaja nyama, na kunywa bagha.