ISAYA 28:7 - Biblia Ilagho Jiboie Kwa Wandu Wose

⁷ Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

ISAYA 28:7 ပူးပေါင်းရင်းမြစ်များ

ZABURI 107:27

Wikawalalia na kutatarika sa wawongeri; akili rawo rikawisiria.

MAKATANISHO 20:1

Divei yadareda lumenyo, na chofi yadareda marashano; mundu uwadanagha nayo, ndene hikima.

MAKATANISHO 23:30

Ni awo winywagha divei kwa ngelo ndacha, na kutima divei ibirie.

MCHILI 10:17

Jarasimilwa isanga jiko na mzuri udumbuagha malagho kwa hachi, na vilongozi wijagha kwa ngelo yaro; wikumaziriagha weni wisewongiagha.

ISAYA 19:14

BWANA wawingiria roho ya kulaghalwa ni akili, nawo waishekeria Misri kubonya malagho ghake kisha-kisha sa mmbongeri uwalaliagha ukidaika.

ISAYA 22:13

Ela wulalo ghwaro morekoghe na iseko na kuboilwa, mkibwagha njau na ng'ondi na kuja nyama na kunywa divei mkighamba, “Ndedije na kunywa angu kesho diafwa.”

ISAYA 24:2

Kula mundu uchakabwa. Mkohani uchapatwa ni malagho karakara na wandu; bwana uchapatwa ni malagho karakara na mzumba wake; bibi uchapatwa ni malagho karakara na mwai wake wa kazi. Muuzi uchapatwa ni malagho karakara na mghui; na uo ukopeshagha kara kara na mkopi.

ISAYA 24:20

Ndoe yazingizika sa mmbongeri, yakumbwakumbwa sa nyumba idukwagha ni kiremba. Ndoe yalemerelwa ni kaung'a rake, nayo ichatota putu hata ndeichaawuka sena anduangi.

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

ISAYA 29:11

Mafunuo ghose gha wulodi ghamerie kuviswa konyu, karakara na chuo chikabilo mhuri. Mndungi uichi kushoma ukanekwa chuo icho ukizerwa uchishome uchaghamba, “Sidimagha kuchishoma angu chikabilo mhuri.”

ISAYA 3:12

Wandu wapo wadakorongwa ni wana, na waka wadawibonyera nguma. Ee wandu wapo, mwaawuyalaghashwa ni vilongozi venyu, na kuvurugha chia ra mighendo enyu.

ISAYA 43:27

Ndeyo wa imbiri odebonya kaung'a na wadederii wako wikanikosera.

ISAYA 5:11

Ni bugha kwa awo wiwukagha kokesho kio wiendewongia; nawo wakaia aho hata kio ghadi, na divei iake modo kifunyi kwawo!

ISAYA 5:22

Ni bugha kwa awo wiko na wuwana ghonywa divei, sena mang'oni gheranganya chofi;

ISAYA 5:23

awo wimlekeriagha mmbiwi angu wawituwa, na kumuima mloli hachi yake.

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

JEREMIA 23:13

Nawonie ilagho jizamie na ndighi, kwa walodi wa Samaria; walodere kwa irina ja Baali, na kuwilaghasha wandu wapo Israeli.

JEREMIA 23:16

BWANA wa majeshi waghora huwu, “Msesikire malagho gha walodi wimloderagha wikimneka isuwirio ja tee; waawuyaghora malagho gha akili rawo reni, ndeghifumie momunyi kwapo anduangi.

KILILO CHA JEREMIA 2:4

Wadilengie na iwanu sa m'maiza, ukabwagha wose werediboiagha; dawonie machu ghake ghiakagha sa modo aha Jerusalemu.

EZEKIELI 13:7

Wele huwo ndemoowona mawono ghiseko gha loli, na kulaghua malagho gha tee iji mghoragha, ‘BWANA waghamba’ sena niseghorie ilagho jingi anguwada?”

EZEKIELI 44:21

Mkohani ungi usenyo divei ingelo wakangia waza ya nandenyi.

HOSEA 7:5

Ituku ibaa ja mzuri odu, wabaa werewongerieghe kwa divei ibirie hata wikadaika, na mzuri ukarangana nawo.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

HABAKUKI 2:15

Ni bugha kwako mundu kuwinyoshagha wambenyu chofi nyingi, na kuwiwongera eri kughuzighane wuduu ghwawo.

HABAKUKI 2:16

Na oho wokoni kuchafushwa waya nandighi wulalo ghopata ishima. Kuchanywa hata kutatarike. BWANA uchakubonya kunyo kikombe chako chekabwa, na ishima jako jichaghaluswa jiwuye waya.

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.

WAEFESO 5:28

Huwo koni, yawifwana womi wiwikunde waka wawo karakara na mimbi yawo cheni. Uo umkundagha mkake, wadakukunda uo moni.