ISAYA 28:5 - Biblia Ilagho Jiboie Kwa Wandu Wose

⁵ Ngelo iyo, BWANA wa majeshi uchawuya nuo kirumbu cha wubaa, na kiremba chiboie kwa masighariko gha wandu wake;

ISAYA 28:5 ပူးပေါင်းရင်းမြစ်များ

AYUBU 29:14

Nerekurushireghe hachi, ikakaia sa irwao japo; loli yapo erekoghe sa ijoho na kiremba chapo.

ISAYA 11:16

Kuchakaia na chia mbaa kufuma Ashuru, kwa wundu ghwa masighariko gha wandu wake Israeli, sa iji koni werekoghe nayo ngelo werefumagha isanga ja Misri.

ISAYA 24:16

Kufuma kutua kwa ndoenyi, dasikira chumbo ra makaso; ni chumbo remkasa Uo Mhachi. Ela ini nawuyaghamba, “Naawuyasia, ni bugha kwapo naawuyasia! Kwa kukaia Mkalii waawuyanifunya kwa mikalo, waawuyanifunya kwa mikalo.”

ISAYA 4:3

Kula mundu uchaasigharika Sioni na Jerusalemu, uo usaghulo ni Mlungu ukaie moyo, uchawangwa mweli,

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

ISAYA 62:3

Kuchakaia sa kirumbu chighokie mkonunyi kwa BWANA, karakara na kirumbu cha kiwuzuri mkonunyi kwa Mlungu wako.

EZEKIELI 16:12

Ngakungira pete ya mbua, na vipini madunyi kwako, na kirumbu chighokie chongonyi kwako.

ZEKARIA 12:5

Niko vichuku va Juda wichazerana, ‘BWANA Uwadie-Ndighi-Rose waawuyawineka ndighi wandu wake wikaiagha Jerusalemu.’

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.