ISAYA 28:4 - Biblia Ilagho Jiboie Kwa Wandu Wose

⁴ na ugho wubaa ghwa vilongozi wikukasire, ghuchaida sa itunda ja imbiri ja mtini jawurwa imbiri ya sumesu, na mundu ukajiwona wadajija shwa wori nyuma ya kujiwaya.

ISAYA 28:4 ပူးပေါင်းရင်းမြစ်များ

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

ISAYA 8:4

kwa kukaia, imbiri mwana uhu usemanyire kuwanga ‘Aba’ angu ‘Mao,’ mali ra Dameshki na vilambo viwadilo wunyika va Samaria vichadukwa ni mzuri wa Ashuru.”

HOSEA 13:1

Iji kichuku cha wandu wa Israeli cherededagha kala, wandu wazima wa vichuku vizima va Israeli wedeeka wikisughusika; Israeli odeeka ukiwoneka wa ighu andenyi ya Israeli; ela wandu wake wiendabonya kaung'a kwa kutasa Baali, wikafwa.

HOSEA 13:15

hata ngera Israeli wawoneka kukaia nicha aghadi ya waruna, ela nichawetesha mbeo ya mruke ghwa mashariki ifumagha cha kireti, nayo ichaomera ndoria rake ra machi na viriwa. Iyo mbeo ichakaba na kughusha stoo ra mali rake na ra vilambo vake va zoghori mbaa.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

HOSEA 9:16

Wandu wa Israeli weeka sa mudi ghuomie miri, ndewichaava matunda ghangi. Hata wikava, nichawibwagha wana wawo wiwikunde.”

MIKA 7:1

Ni duu tu; ini neeka sa mundu uko njala; usewonagha itunda jingi jasigharika mudinyi, angu zabibu ingi yasigharika mzabibunyi. Zabibu rose na tini risingie rawalwa putu.

NAHUMU 3:12

Ngome rako rose reeka sa mtini ghuko na tini ra imbiri riwurue; ghukasughuswa, richapotokia momunyi kwa uo ujagha.

WUFUNUO 6:13

na nyerinyeri ra mlungunyi rikapotoka andoenyi seji mtini ghughughuduagha matunda gharo gha kwari ngelo ghwasughuswa ni mbeo mbaa.