ISAYA 27:9 - Biblia Ilagho Jiboie Kwa Wandu Wose

⁹ Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

ISAYA 27:9 ပူးပေါင်းရင်းမြစ်များ

2 WAZURI 10:26

wikafunya iro nguro ra hekalu ya Baali na kurikora.

2 WAZURI 23:14

Mzuri Josia ukarichikanya rija nguro ra magho vipande vipande, na kubara ghuja mlungu ghwa waka Ashera; ukachura wulalo ghwaro na maindi gha wandu.

2 WAZURI 25:9

Ukaikora Hekalu na ngome ya mzuri, na nyumba rose ra wabaa rerekoghe andenyi ya muzi ghwa Jerusalemu.

2 MALAGHO GHA NGELO 14:5

Wokoni ukainja nambai andu kotasira mighondinyi kufuma mizi yose ya Juda, na madhabahu refukiria marumba. Wuzuri ghukakaia na sere aisi ya nguma rake.

2 MALAGHO GHA NGELO 34:4

Ukafunya momu madhabahu ra weke Baali rivuchulo, na madhabahu refukiria marumba rerekoghe naighu yaro rikainjwa, na fwana ra Ashera na fwana riwachilo na iro richanilo, rikabarwa na kusheghwa hata rikawuya teri; nayo ikadilwa aighu ya makaburi gha awo wandu werekoghe wikirifunyira vizongona.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

ZABURI 119:67

Imbiri kuseninekie ikabo, nerekoghe ngighenda kisha; ela idana najiwadia ilagho jako.

ZABURI 119:71

Ni nicha kwapo angu koreninekieghe ikabo, nipate kukufundisha sharia rako.

KUFUMA 34:13

Ela mfuchuo madhabahu rawo, na kuchikanya nguro rawo retasa, na kuchikanya fwana ra milungu yawo ya waka Ashera.

MAKATANISHO 20:30

Makabo gheshoghonua ghadaelesha wuwiwi; vangu vadaelesha nandenyi.

ISAYA 1:29

Mchafwa waya kwa wundu ghwa kutasa mialoni, mchafwa waya kwa kuwika mbuwa renyu wakfu kwa wundu ghwa milimu.

ISAYA 17:8

Ndewichaatala madhabahu wereribonyereghe, hata ndewichaakaia na irumirio kwa kazi ra mikonu yawo, hata ndewichaarizighana kazi wereribonyereghe, iyo milimu ya Ashera, mlungu ghwa waka, na madhabahu refukira marumba.

ISAYA 30:22

Niko aho mchazamilwa ni fwana ra milungu ishingilo feza, chiaimweri na rija richanilo ra dhahabu. Mcharida noko sa vilambo va wuchafu mkighamba, “Injikenyi noko!”

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

ISAYA 40:2

Kudede malagho gha wuhoreshi kwa Jerusalemu, wighorienyi kukaia wuda ghwawo ghwasirie; mawiwi ghawo ghamerie kulekwa, kwa kukaia BWANA wawikabie mando awi, kwa wundu ghwa kaung'a rawo.

ISAYA 48:10

Ola nakuelesha ela si seji feza ieleshwagha, nakutima andenyi ya modo ghwa matiriro.

EZEKIELI 11:18

Na ngelo wichaawuya wichainja nambai vilambo vose vizamie na wuchafu ghose.

EZEKIELI 20:38

Nichawiinja awo wandu wisesikiragha na awo winibonyeragha kaung'a, wifume aghadi konyu; nichawifunya isangenyi iji werejikaieghe kiwughenyi, ela ndewichaangia andenyi ya isanga ja Israeli. Aho niko mchaamanya kukaia ini ne BWANA.

EZEKIELI 6:4

Madhabahu renyu richanonwa, na madhabahu renyu refukiria marumba richachikanywa; nani nichawibwagha wandu wenyu imbiri ya milimu yenyu.

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

HOSEA 14:8

Wandu wa Israeli ndewichaaidumikia milimu sena, nichatumbulia malombi ghawo na kuwilindia; nichawifinikira sa mudi ghupambie, na kuwirasimia kwa kula kindo kicha.”

WALAWI 26:30

Nichakunona andu konyu kwa ighu kotasira, na kughinona madhabahu ghenyu ghefukiria marumba; nicharikumba gharia ra mimbi yenyu aighu ya milimu yenyu ifue; nichazamilwa ni inyo.

MIKA 5:11

Nichaitotesha mizi ya isanga jako na kuchikanya mawurigha ghako.

ZEKARIA 13:2

Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu.

WAROMA 11:27

na iji nijo jichaakaia ilaghano japo nawo, iji nachawiinjira kaung'a rawo.”

1 WAKORINTHO 11:32

Ela iji datanywa ni Bwana, dakabwa; eri disechetanywa andwamweri na wurumwengu.

WUKUMBUSO 12:3

Mrivuchuo madhabahu rawo, na kurichikanya nguro rawo vipande-vipande; mkore mlungu ghwawo ghwa waka Ashera, na kurikua fwana ra milungu yawo, risewuetaswa aho sena.

WAEBRANIA 12:6

Kwa kukaia Bwana wadamkania uo mundu umkunde, na kumdama mwana uo ose umrumiriagha.”