ISAYA 27:8 - Biblia Ilagho Jiboie Kwa Wandu Wose

⁸ Kipimo kwa kipimo, korelueghe nawo na kuwighenja wubarishonyi. Korewiinjireghe kwa makabo ghibirie, sa kwa kiremba chenona cha mashariki.

ISAYA 27:8 ပူးပေါင်းရင်းမြစ်များ

AYUBU 23:6

Mlungu wadimagha kusimana nani, uko na ndighi ring'ane huwo? Hata; uo wadanisikiria sa iji nighoragha.

ZABURI 103:14

Waichi tabia redu; wakumbuka kukaia isi de teri.

ZABURI 103:9

Ndedokiagha wandu ngelo rose; ndewikiagha mndungi machu.

ZABURI 38:1

Ee BWANA kusakenidokia kwa machu ghako, hata kusakenineka adhabu kwa lubio lwako.

ZABURI 6:1

Kusakenidokia kuko na machu ee BWANA, hata kusakenikaba kwa lubio lwako.

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

ZABURI 78:38

Ela uo kwa kukaia wa wughoma, orewifuyeghe wughoma kaung'a rawo hata nderewitoteshereghe anduangi. Oreghimazirieghe machu ghake mando mengi, eri ghisechewuka ghose.

ISAYA 1:5

Kwaki mduagha mkilegha kusikira na kukunda kukabwa ee Israeli? Chongo chako chose ni mkongo, na ngolo yako yose yaawuyadumbuka.

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

ISAYA 54:7

“Nerekusighieghe kwa ngelo vui, ela nichakuwunja kwa wughoma m'baa.

ISAYA 57:16

Sichaasimana na wandu matuku ghose, hata sichaakaia na machu ngelo rose anduangi; angu mdamu wadima kudumbuka imbiri kwapo, uo uko na miruke icheni nereibonyereghe.

ISAYA 64:5

Oho kwadawikaribisha awo wose wibonyagha hachi kwa kuboilwa, awo wikumbukagha kubonya malagho kara kara na chia rako. Zighana oho korekoghe kwazamilwa ni isi, ela sena dikabonya kubonya kaung'a; dikakaia luma dikibonya iro kaung'a. Da huwo dadima kukia?

JEREMIA 10:24

Kuniwunje ee BWANA, ela kwa kipimo cha hachi isekaie kwa machu ghako, nichewuya kindo cha duu.

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

JEREMIA 4:11

Ngelo yawuyacha, na wandu wa Jerusalemu wichazerwa, “Kiremba cha modo chichaweta kwawo kufuma kireti. Ndechichaakaia kiremba chiboie cheela masemu,

JEREMIA 4:27

BWANA waghamba huwu, “Isanga jose jichawuya iduu, ela sichaajimeria putu kungi.

JEREMIA 46:28

Msakeobua ee kivalwa cha Jakobo mdumiki wapo, angu ini neko chiaimweri na inyo. Nicharinyamirisha mbari rose aho neremghenjereghe; ela inyo sichaamnyamirisha, nichamkania kwa kipimo cha hachi, na kwa ivo vose sichaamsigha kuseko na ikabo.”

KILILO CHA JEREMIA 3:31

BWANA ni wa wughoma; ndechaadida putu anduangi.

KILILO CHA JEREMIA 3:32

Wadima kudiredia wasi, ela kwa loli wadikunde putu.

EZEKIELI 19:12

Ela ugho mzabibu ghorekuloghe kwa machu mabaa, ghukakumbwa andoenyi; mbeo enona ya mashariki ikaghuomera, na matunda gharo ghikaghughuduka; lumbashu lwaro lubaa lukanyaya, lukakorwa.

HOSEA 13:15

hata ngera Israeli wawoneka kukaia nicha aghadi ya waruna, ela nichawetesha mbeo ya mruke ghwa mashariki ifumagha cha kireti, nayo ichaomera ndoria rake ra machi na viriwa. Iyo mbeo ichakaba na kughusha stoo ra mali rake na ra vilambo vake va zoghori mbaa.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

1 WAKORINTHO 10:13

Ndekuwadie itimo jingi jimpatire, iseeka ni ijo jeni jiwipatagha wandu wose. Mlungu ni mloli, nao ndechaamsigha mtimo kuchumba ndighi renyu; ela chiaimweri na jija itimo, uchaboisa chia ejifuma, eri mdime kujirumaghia.

1 PETRO 1:6

Inyo mwaboilwa andenyi ya maza iri, hata ngera idana kwa ngelo vui, yadimika mtiriro kwa matimo mazima mazima,