ISAYA 27:13 - Biblia Ilagho Jiboie Kwa Wandu Wose

¹³ Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 27:13 ပူးပေါင်းရင်းမြစ်များ

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

1 MALAGHO GHA NGELO 15:24

Shebania, Joshafati, Nethaneli, Amasai, Zekaria, Benaia, na Eliezeri awo wakohani, werekoghe wikabeghe tarumbeta imbiri ya Sanduku ya Ilaghano. Obed-edomu na Jehia wori werekoghe wilindieghe mbenge ya andu kwa Sanduku ya Ilaghano.

ZABURI 47:5

Mlungu wajokie ukizumilwa na kuboilwa, BWANA wajokie ukiborelwa kwa lwaka lwa tarumbeta.

ZABURI 81:3

Kabenyi tarumbeta ngelo ya Ndima ya Mori Lukombe, na ya Mori M'baa.

ZABURI 89:15

Warasimilwa wandu wiichi kukuzumia, awo wighendagha na mwengere ghwako ee BWANA.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 11:12

BWANA uchawusira bendera ikaie alama kwa iro mbari ra wandu, ewonyera kukaia uchatumbanya wandu wa Israeli na wandu wa Juda wisaghisikie, wifume iro mbembe inya ra ndoenyi.

ISAYA 11:16

Kuchakaia na chia mbaa kufuma Ashuru, kwa wundu ghwa masighariko gha wandu wake Israeli, sa iji koni werekoghe nayo ngelo werefumagha isanga ja Misri.

ISAYA 18:3

Inyo wandu wose mkaiagha wurumwengunyi, inyo mmbose mkaiagha ndoenyi; bendera ikawusirwa mghondinyi mzighane, na tarumbeta ikakabwa msikire.

ISAYA 19:21

BWANA uchakumanyisha moni kwa Wamisri, nawo wichammanya na kumtasa BWANA wikifunya vizongona vekora, nawo wichabonya maghemi kwa BWANA na kughikatisha.

ISAYA 19:22

Na BWANA uchaikaba Misri, ukikaba na kuboisa; nawo wichamghalukia BWANA, nao uchasikira kuvoya kwawo na kuwikira.

ISAYA 2:11

Kuwoneka kwa wubaa ghwa mdamu kuchaserwa, kukujosa kwa wadamu kuchaserwa. BWANA uekeri nuo uchaajoswa ituku jija.

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

ISAYA 25:6

BWANA wa majeshi uchawibonyera karamu wandu wose aighu ya ughu mghondi; karamu ya manori, karamu ya divei ieresero irudie nicha, na vindo vicha vichulo ni manori.

ISAYA 43:6

Nichaizera kaskazinyi, wilekerie, na kusinyi nichaizera, Kusakewighiria! Redenyi wana wapo wa womi na wa waka kufuma aho kula kutuonyi kwa ndoenyi,

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

ISAYA 66:23

Wadamu wose wichacha kutasa imbiri kwapo kula ituku ibaa ja Mori Lukombe na kula Sabato,” waghamba BWANA.

JEREMIA 31:6

Ngelo ichacha walindiri wichaawanga andenyi ya isanga ja mighondinyi ja Efraimu, ‘Wukenyi dijoke Sioni kwa BWANA Mlungu odu.’”

JEREMIA 43:7

na kughenda isanga ja Misri; kwa kukaia ndeweremsikireghe BWANA anduangi. Wikaghenda na kuvika Tahpanesi.

JEREMIA 44:28

Na awo wichaafufunuka kubwaghwa wudenyi, wichafuma isanga ja Misri na kuwuya cha isanga ja Juda, watinieri, na masighariko ghose gha wandu wa Juda wereghendieghe cha isanga ja Misri wichamanya ni ilagho jani jiko ja loli, ngera ni japo angu ngera ni jawo.

EZEKIELI 20:34

Nichamreda kufuma kwa wandu, na kufuma masanga ghose moresaghisikieghe, kwa kudima kwapo, na kwa ndighi, na kwa machu ghapo;

EZEKIELI 20:41

Nichamrumiria sa marumba ghinukie nicha, ingelo nichaamfunya mfume kwa wandu, na kumtumbanya kufuma agho masanga moresaghisikieghe; nani nichawonyera wueli ghwapo aghadi ya iro mbari ra wandu.

EZEKIELI 39:25

Bwana MLUNGU waghamba huwu, “Idana nichammbunjira Jakobo mali rake, na kuwiwonia wughoma wandu wa Israeli nani nichakaia na iriso kwa wundu ghwa irina japo ja wueli.

DANIELI 11:45

Nao uchadunga hema rake ra kiwuzuri ghadi na ghadi ya bahari na ghuja mghondi ghughokie ghwa wueli andu Hekalu ikaiagha. Ela sena uchafwa usepatire mndungi omtesia.”

HOSEA 11:11

Wichacha shwa-shwa sa nyonyi kufuma Misri, wichacha sa mbughi kufuma Ashuru, nani nichawireda mizinyi kwawo, ini BWANA naghamba.”

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

HOSEA 9:3

Wandu wa Israeli ndewichaakaia isangenyi ja BWANA, ela wichawuya cha Misri na kuja vindo viseelie aho Ashuru.

WALAWI 25:9

Niko kuchafunya mundu na tarumbeta ituku ja ikumi ja mori ghwa mfungade, upate kukaba tarumbeta ya Ituku ja Wukomboli isangenyi kose.

MIKA 7:14

Lisha wandu wako kuwisaghue kumoni BWANA. Hata ngera wakaie wisasarikie noko cha kireti, jeko isanga jinorie jiwimare mbai mbai. Wisighe wije malisho ghinorie gha Bashani na Gileadi seji werebonyagha kala.

ZEKARIA 14:16

Niko kula mundu usigharikagha wa iro mbari rose ra wandu wichee kulwa na Jerusalemu, uchajoka aho kula mwaka kumtasa uo BWANA Uwadie-Ndighi-Rose ukikaia mzuri, na kubonya Ndima ya Viwanda.

ZEKARIA 8:7

Nichawivuvua wandu wapo kufuma kwa agho masanga weredwaloghe,

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MATHAYO 24:31

nao uchawiduma weke malaika wake na lwaka lubaa lwa tarumbeta, kuwikwanya wasaghulwa wake kufuma mbembe inya ra wurumwengu, kufuma kutua uku hata kutua kuja kwa mlungunyi.

LUKA 4:18

“Roho wa Bwana oko aighu kwapo, angu orenishingieghe mavuda niwichilie wakiwa Ilagho Jiboie. Wanidumie niwighorie wafungwa malagho gha kufungulwa kwawo, na vitungure kupata kuwona kwawo, kuwifungua awa wikorongwagha;

WAROMA 10:18

Ela niakotia, da loli ndewisikire? Loli wasikire putu, angu: “Chwaka rawo rasikirikie ndoenyi kose na madedo ghawo ghaerie hata kutua kwa ndoenyi.”

1 WATHESALONIKE 4:16

Angu Bwana moni uchasea kufuma mlungunyi, na lwaka lubaa lwa nguma, na kuwanga kwa malaika m'baa, na lwaka lwa tarumbeta ya Mlungu. Na awo wifue andenyi ya Kristo, wichazoya kuruka;

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WUFUNUO 10:7

Ela iji malaika wa mfungade uchaaikaba tarumbeta yake, iyo ngasu ya Mlungu oreighorieghe ukitumia wadumiki wake, awo walodi, ichakatishwa.

WUFUNUO 8:2

Niko ngawona awo weke malaika mfungade, wikaiagha kimusi imbiri ya Mlungu, nawo wikanekwa tarumbeta.

WUFUNUO 8:6

Niko awo weke malaika mfungade wikakaia tayari kurikaba iro tarumbeta werekoghe naro.

WUFUNUO 9:14

lukimzera uo malaika wa karandadu orekoghe na tarumbeta, “Wifunguo awo weke malaika bana wifungilo ugho moda m'baa ghwa Eufrate.”