ISAYA 27:11 - Biblia Ilagho Jiboie Kwa Wandu Wose

¹¹ Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 27:11 ပူးပေါင်းရင်းမြစ်များ

ZABURI 106:40

Niko BWANA ukajokwa ni machu aighu ya wandu wake; wikamzamia na ndighi.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

ISAYA 18:5

Angu imbiri ya kukuwida, iji vishekero vasia na zabibu kuwurwa, Mlungu uchanona Ethiopia seji mundu udumbuagha chonge ra midi na kurikumba noko.

ISAYA 43:1

Ela idana BWANA uo oremuumbieghe waghora huwu ee wana wa Jakobo, uo orekubonyereghe waghamba huwu ee Israeli, “Kusakeobua, kwa kukaia nakukombue; nakuwangie kwa irina jako, oho ko wapo.

ISAYA 43:7

awo wose wiwangilo kwa irina japo, awo nerewiumbieghe kwa wundu ghwa wubaa ghwapo; ngawibonya na kuwiumba.”

ISAYA 44:2

Ini ne BWANA uo orekuumbieghe, nakuteserie kufuma kuvalwa kwako. Kusakeobua Israeli oho ko mdumiki wapo, wandu wapo niwisaghue, awo niwikundagha.

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 5:13

Kwa wundu ugho, wandu wapo wichabarishwa kwa kusowa kumanya kwawo; wandu wawo wa ishima wiafwa kwa njala na wengi wawo wiafwa kwa kau.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 11:16

Ngelo imu ini BWANA nerekuwangieghe irina ja ‘Mzeituni ghuko na malemba mawishi, na matunda ghiboie;’ ela nichaghuomera kwa kiremba kibaa sa modo, na mbashu rake richachika.

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

JEREMIA 16:5

BWANA wawuyaghora huwu, “Kusengie nyumba andu ifwa jiko hata kuselile andwamweri nawo, hata kuwadwa ni wughoma ghungi kwawo; kwa kukaia namerie kuinja irasimio japo ja kuwineka sere, na lukundo na wughoma.

JEREMIA 25:37

Maranu gha sere ghichasaghiswa kwa wundu ghwa agho machu ghibirie gha BWANA.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 8:7

Ichachula jiburukagha mbeonyi jaichi ngelo rake rewuya, hata mbughi, na mbeumbeu, na mnyange walindiagha ngelo rawo rewuya, ela wandu wapo ndewiichi sharia rapo.

EZEKIELI 19:12

Ela ugho mzabibu ghorekuloghe kwa machu mabaa, ghukakumbwa andoenyi; mbeo enona ya mashariki ikaghuomera, na matunda gharo ghikaghughuduka; lumbashu lwaro lubaa lukanyaya, lukakorwa.

EZEKIELI 20:47

Ghuzere msidu ghwa Negebu huwu: Sikira ilagho ja BWANA, Bwana MLUNGU waghamba huwu: Ola nichakora modo kwako, nagho ghuchakora midi mmbishi na midi ya kala iko kwako. Lumu lwaro ndeluchaarima, na mawushu gha wandu wose kufuma kusinyi hata kaskazinyi ghichasikira luvia lwaro.

EZEKIELI 9:10

Ela ini sichaalekia, hata sichaafuya wughoma, ela nichawilipa karakara na mabonyo ghawo.”

HOSEA 4:14

Ela sichaawikaba wai wenyu iji wawuya malaya, hata waka wa wana wenyu iji walaka; kwa kukaia inyo mmbeni mwaawuyaghenda na malaya gha Hekalu na kufunya vizongona chia imweri nawo. Sa iji mfwano ghoghoragha, ‘Wandu wisewadie kumanya wichatota.’

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

MATHAYO 13:15

Angu wandu awa wafue vongo, na madu ghawo ndeghisikiragha, na meso ghawo ndeghiwonagha. Ngera si huwo kumangu meso ghawo ghawona, na madu ghawo kumangu ghasikira, kumangu kwa akili rawo watambukilwa, wikanighalukia ini, nani kumangu nawikira.’

MATHAYO 13:19

Iji mndungi wasikira ilagho ja wuzuri ela ndejimtambukie, uja mmbiwi wadaacha na kujiinja ngolonyi kwake, nao wafwanana na mbeu ipotokie chienyi.

MATHAYO 3:10

Hata idana isoka jawikwa tayari kudema miri ya midi; kwa huwu kula mudi ghusevagha matunda ghiboie, ghuchademwa na kukumbwa modonyi.

JOHANE 15:6

Mndungi usekaiagha andenyi kwapo, wadadaghwa shighadi sa lumbashu, nao waoma. Mbashu sa iro radasholwa rikumbo modonyi na kukorwa.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

WAROMA 1:31

wikelie, wiserumirikiagha, wang'eti, wichue kinyanya.

WUKUMBUSO 4:6

Mughiwadie na kughibonya, angu agho nigho ghichaakaia hikima na kumanya konyu imbiri ya wandu; awo, iji wasikira sharia iri rose, wichaghamba, ‘Loli mbari ihi mbaa yawadie hikima na kumanya.’

1 WATHESALONIKE 2:16

kwa kudighiria isi diseghore na wandu wa mbari zima, wichepata kukia; eri wipate kuchichura kipimo cha kaung'a rawo sa matuku ghose. Ela kutua, wamerie kuchelwa ni machu gha Mlungu.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.