ISAYA 26:9 - Biblia Ilagho Jiboie Kwa Wandu Wose

⁹ Ngolo yapo yakaia na bea na oho ngelo ya nakio, roho yapo kondenyi kwapo yakulola kwa kufunga ndighi. Angu iji kutanya kwako kuko ndoenyi, wandu wiko wurumwengunyi wakufundisha kubonya hachi.

ISAYA 26:9 ပူးပေါင်းရင်းမြစ်များ

1 MALAGHO GHA NGELO 16:14

BWANA ni Mlungu odu, matanyo ghake ni kwa wundu ghwa wurumwengu ghose.

ZABURI 105:7

BWANA ni Mlungu odu; matanyo ghake ni kwa wundu ghwa wurumwengu ghose.

ZABURI 119:55

Nadakukumbuka nakio ee BWANA, na kuighesha sharia yako.

ZABURI 119:62

Nadawuka kio ghadi nikukase oho, kwa wundu ghwa matanyo ghako gha hachi.

ZABURI 130:6

Naawuyammbesera BWANA kuchumba walindiri wiweseragha ndoe kuela; nachumba walindiri wiweseragha ndoe kuela.

ZABURI 58:11

Wandu wichaghamba, “Loli mhachi uchanekwa mafungu ghake; loli oko Mlungu utanyagha ndoenyi.”

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

ZABURI 63:5

Irangi japo jichakatwa sa mundu waja vindo vinorie, nani nichakukasa kwa chumbo ra kuboilwa.

ZABURI 64:9

Wandu wose wichaobua; wichaja malagho gha kazi ra Mlungu, na kuririkanya agho ubonyere kwa wundenyi.

ZABURI 78:34

Iji orewibwaghieghe wamu, awo weresigharikieghe wikahea na kumlola Mlungu kwa loli.

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 55:6

Mlolenyi BWANA, ingelo upatikagha, mmbangenyi ingelo uko kaavui;

KILILO CHA JEREMIA 2:19

Wuka sena na sena kio chee kukimlilia BWANA; kumghorie wasi ghwako loli, kukimlomba uwifue wughoma wana wako awo wawuyabwaghwa ni njala achienyi.

KILILO CHA JEREMIA 3:25

BWANA ni mucha kwa kula umu umsuwiriagha.

EZEKIELI 5:15

Kuchasholelwa na kusekwa; kuchaobolwa na kusekwa; kuchaobolwa na kuwuya ifundisho kwa iro mbari ra wandu rikumarie chia rose, ingelo nichaakutanya kwa machu na kubia, nani nichakuwunja kwa kubia, ini BWANA naghamba.

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

MARKO 1:35

Nao nakesho, Jesu ukawuka kokesho kio, ukafuma, ukaghenda andu kusewadie wandu, kulomba Mlungu.

LUKA 6:12

Matuku agho, Jesu ukajoka mghondinyi kulomba, ukalomba Mlungu kio chee.

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.