ISAYA 26:8 - Biblia Ilagho Jiboie Kwa Wandu Wose

⁸ Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 26:8 ပူးပေါင်းရင်းမြစ်များ

2 SAMUELI 23:5

Hee, si huwo koni kivalwa chapo chiko na Mlungu? Angu orenibonyereghe ilaghano ja kala na kala, jilaghirilo na kumangishwa kwa wundu ghwa vilambo vose. Welee, ndechaanibonya niwone nicha na kunikatishira bea yapo anguwada?

ZABURI 106:3

Warasimilwa awo wiitalagha hachi, na kubonya agho ghiko gha loli ngelo rose.

ZABURI 130:5

Naweseria wutesia ghwa BWANA kwa bea mbaa, nani naawuyajirumiria ilagho jake.

ZABURI 18:23

Serekoghe na ikosa jingi imbiri kwake, nerekulindirieghe ini moni na kiwiwi.

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

ZABURI 65:6

Oho kwaimangishire mighondi kwa ndighi rako, kukifunga na wudimi sa mshipi. Kwaiwikie mighondi kwa ndighi rako.

ZABURI 73:25

Ni ani niko nao mlungunyi ela oho? Hata ndekuwadie kindo chingi ndoenyi nichikundagha kuchumba oho.

ZABURI 84:2

Nakunde na ndighi kukaia aho! Neko na bea ekaia andu kukaiagha BWANA. Nicham'boria Mlungu uko moyo kwa kuboilwa kubaa.

KUFUMA 3:15

Mlungu ukachuria kumzera Musa, “Kuwizere wana wa Israeli huwu, ‘BWANA uo Mlungu wa weke ndeyo, Mlungu wa Abrahamu, wa Isaaka, na wa Jakobo, wanidumie konyu;’ iji nijo irina japo kwa kala; na huwo nichakumbukwa vivalwa vose.

LUMBO 5:8

Inyo waka wa Jerusalemu, namvoya; mkammbona mkundwa wapo, mumzere nabwaghwa ni lukundo.

ISAYA 12:4

Na ituku ijo mchabora huwu: “Funyenyi chawucha kwa BWANA mujiwangie irina jake, ghorenyi malagho gha mabonyo ghake kwa iro mbari ra wandu, ghorenyi kukaia irina jake ni ibaa.

ISAYA 24:15

Kwa huwo, mnekenyi BWANA wubaa kufuma mashariki, na wandu wikaiagha masanga gha pwani ndewijikase irina ja BWANA, uo Mlungu wa Israeli.

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 26:13

Hata ngera dabonyero nguma ni weke bwana wazima ee BWANA Mlungu odu, ela isi daawuyarumiria andenyi ya irina jako jiekeri.

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

ISAYA 33:2

Kudifue wughoma ee BWANA, isi dikusuwiriagha oho kukaie mlindiri odu kula nakesho; kukaie kukia kodu ngelo ya wasi.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 51:4

“Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

ISAYA 56:1

BWANA wawizera wandu wake huwu: “Wadienyi loli m'bonye hachi, angu kukia kwapo kuchacha kafwani; nako kuchafunukuka worinyi.

MIKA 4:5

Kula mbari yadatasa na kusikira mlungu ghwawo, ela isi dichamtasa BWANA Mlungu odu kwa kala na kala.

MIKA 7:7

Ela ini nichamchereshera BWANA, na kummbeseria Mlungu kwa isuwirio, uo uchaanikira. Mlungu wapo uchanisikira.

MALAKI 4:4

“Kumbukenyi mafundisho gha mdumiki wapo Musa; sharia na memu neremnekieghe aja Mghondi ghwa Sinai kwa wundu ghwa wandu wose wa Israeli wipate kusikira.

MITALO 36:13

Iri niro sharia na malaghiro BWANA orewikieghe wandu wa Israeli ukimtumia Musa wiko kirindinyi cha Moabu kaavui na Jordani kulangaya Jeriko.

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

MABONYO GHA WADUMI 1:4

Iji orekwanyeghe nawo, orewilaghirieghe wisefume Jerusalemu; ela wiwesere ilaghiro ja Aba seji orewizerieghe “Moresikireghe ngighamba,

WAROMA 8:25

Ela ngera dasuwiria icho disewuechiwona, dachiweseria kwa kurumaghia.

2 WATHESALONIKE 3:5

Uo Bwana nderighenje ngolo renyu ritambukilo ni lukundo lwa Mlungu, na uko kumanya kwa Kristo.