ISAYA 26:4 - Biblia Ilagho Jiboie Kwa Wandu Wose

⁴ Kumrumirie BWANA matuku ghose, angu BWANA MLUNGU ni mbanga ya kala na kala.

ISAYA 26:4 ပူးပေါင်းရင်းမြစ်များ

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

2 MALAGHO GHA NGELO 32:8

Uo ooka na ndighi ra kidamu, ela isi deeka na BWANA Mlungu odu, uditesie na kulwa mawuda ghedu.” Wandu wikaghirumiria malagho gha Hezekia, mzuri wa Juda.

AYUBU 9:19

Ngaghamba niatumia ndighi; nimdima! Ngaghamba nialola hachi, uwangwa nani kutanyonyi?

ZABURI 125:1

Awandu wimrumiriagha BWANA, weeka sa Mghondi ghwa Sioni ghusedimagha kunyavurika, ela ghwadua kwa kala.

ZABURI 18:2

BWANA mlindiri wapo; ni ngome yapo na mkiri wapo. Mlungu wapo ni mlindiri wapo nimkimbiriagha. Uo ni sa ngao yapo, na Mkiri wapo uwadie ndighi; nuo andu kwapo kokimbiria.

ZABURI 46:1

Mlungu nuo andu kodu kokimbiria na ndighi redu. Oko tayari kutesia shwa ngelo ya wasi.

ZABURI 55:22

Kumneke BWANA wasi ghwako, nao uchakutesia; na jingi ndechaamsigha mhachi ulemo.

ZABURI 62:11

Mlungu wadedie indo jimu, ngawuya ngasikira indo ja kawi; kukaia, ndighi ni rake,

ZABURI 62:8

Rumirienyi Mlungu ngelo rose ee wandu, mumghorie wasi ghonyu ghwa ngolonyi; Mlungu nuo andu kodu kokimbiria.

ZABURI 62:9

Wandu wa ndonyi ni sa miruke cheni, na wandu wa ighu si kilambo chingi; wikapimwa, wiawuka nokoighu; waangue kuchumba miruke.

ZABURI 66:7

Wadabonya nguma kwa kudima kwake kwa kala na kala, ukirizighana mbari ra wandu; waleghi wisekujose aighu yake.

ZABURI 93:1

BWANA ni Mzuri, uwadie wubaa na kudima; Waghuwikie wurumwengu na kughumangisha ghusechaanyavurika.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 30:29

Ela inyo wandu wa Mlungu, mchakaia na kubora kwa kuboilwa, sa ngelo ya karamu ra matuku ghenyu mabaa gha nakio; mchachulwa ni kuboilwa seji mundu uboilwagha ukikaba msherembe aighu ya mghondi ghwa BWANA, uo uko Mbanga ya Israeli.

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 51:5

Hachi yapo eko kaavui kucha, kukia kwapo kwalighisa kumchea; nichawibonyera wandu nguma kwa mkonu ghwapo, na wandu wa masanga gha pwani wichanisuwiria.

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

DANIELI 3:17

Ikakaia ni huwo, Mlungu odu, uo dimdumikiagha wadima kudikira na ijo iwiwi ja modo, nao uchadikira na mkonu ghwako ee mzuri.

DANIELI 3:28

Nebukadnezari ukaghamba, “Mlungu wa Shadraka, Meshaki na Abednego ndekaso, uo umdumie malaika wake kuwikira wadumiki wake. Weremrumrieghe na kuleghatala momu ghwapo; wikakaia tayari kufunya mimbi yawo kuchumba kudumikia na kutasa mlungu ghungi isaakaia ni Mlungu wawo moni.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

MATHAYO 6:13

Kusakedikumba matimonyi, Ela kudikire na uja Mmbiwi.’

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WUKUMBUSO 33:27

Mlungu wakaie mlindiri wako ngelo rose; mikonu yake ya kala na kala niyo yawuyakumaziria Orewisimieghe wamaiza wenyu imbiri yenyu; ukamzera muwitoteshe wose.

WAFILIPI 4:13

Nadima kubonya maza rose kwa uo unidimishagha.

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.