ISAYA 26:21 - Biblia Ilagho Jiboie Kwa Wandu Wose

²¹ Olenyi BWANA uacha shwa-shwa kufuma andu kwake; upate kuwikaba wandu wiko ndoenyi, kwa wundu ghwa kaung'a rawo; ndoe ichaifunukua iyo bagha erediriloghe aighu yaro, hata ndeichaawivisa awo werebwaghiloghe anduangi.

ISAYA 26:21 ပူးပေါင်းရင်းမြစ်များ

AYUBU 16:18

“Ee ndoe kusakevisa mawiwi ghibonyero aighu yapo, na kililo chapo chelilia hachi chisakenyamirishwa.

AYUBU 20:27

Mlungunyi kuchafunukua mawiwi ghake, na ndoenyi kuchashuhudia wuwiwi ghwake.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

ISAYA 13:11

BWANA waghora huwu, “Nichaghukaba wurumwengu kwa wundu ghwa wuwiwi ghwake, na wawiwi, kwa wundu ghwa wulaghe-laghe ghwawo; kukukasa kose kwa wandu nichakumeria, na kuwisera awo wikudukie.

ISAYA 18:4

Angu BWANA wanizerie huwu, “Nichazighana mboaeri kufuma andu kwapo nikaiagha, sa ndoe yakombwa ingelo iruwa jakala, sa iwingu ja mami mrukenyi ngelo ekuwida viro.

ISAYA 22:14

BWANA wa majeshi wanizerie, “Mawiwi agha ndeghichaafuilwa wughoma hata mwafwa; ini Bwana MLUNGU wa majeshi naghamba.”

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

ISAYA 65:6

“Olenyi ilagho iji jaandikilo imbiri yapo, Sichaanyama kima ela nichalipia, ee nichawikaba kunughana na mawiwi ghawo;

ISAYA 65:7

mawiwi ghawo na mawiwi gha weke ndee, waghamba BWANA; kwa kukaia wakorie marumba aighu ya mighondi mibaa, wikanimenya aighu ya mighondi mitini. Kwa huwo nichawipimia na kuwilipa kwa wundu ghwa mabonyo ghawo gha kala.”

ISAYA 66:6

Sikirenyi mrurumo kufuma mzinyi! Ni lwaka lwawuyafuma Hekalunyi; nalo ni lwaka lwa BWANA wawuyaluya lugho aighu ya wamaiza wake.

EZEKIELI 8:6

Mlungu ukanizera, “Mwana wa mdamu, kwawona seji wibonyagha? Wandu wa Israeli wawuyabonya wuchafu m'baa ghonifunya na kuniwika kula na Andu Kwapo kwa Wueli. Ela kuchawona wuchafu m'baa kuchumba ugho.”

LUKA 11:40

Inyo wakelu, welee, uo orebonyereghe cha shighadi nderebonyereghe nandenyi wori anguwada?

LUKA 11:50

eri ipate kukotelwa kwa kivalwa ichi, bagha yose ya walodi idirilo kufuma kuzolwa kwa wurumwengu.

WUFUNUO 16:6

Kwa kukaia wandu weredirieghe bagha ya waeli na walodi, na oho kwawineka bagha winyo. Ni malipo ghawo!”

WUFUNUO 18:24

Na bagha ya walodi, na waeli, na awo wose werebwaghiloghe ndoenyi, erewonekieghe andenyi kwako.”