ISAYA 26:19 - Biblia Ilagho Jiboie Kwa Wandu Wose

¹⁹ Wafu wako wichakaia moyo, mimbi yawo icharuka. Inyo wandu mkaiagha makaburinyi; wukenyi mmbore kwa kuboilwa! Kwa kukaia mami ghako BWANA ni gha mwengere; nagho kuchawinyeshera awo wafu wifue kokala.

ISAYA 26:19 ပူးပေါင်းရင်းမြစ်များ

AYUBU 14:8

Hata ngera miri yaro yawuya ya kala ndoenyi, na kirimba charo chiome,

AYUBU 29:19

Nerekoghe sa mudi miri yaro inywagha machi ngelo rose, na mbashu raro rikitonya machi kio chee.

ZABURI 110:3

Ituku kulwagha na wamaiza wako, wandu wako wichakufunya cha kwako. Wandu wako wa irika wichakuchea sa mami gha luma lwa nakesho aighu ya mighondi ya wueli.

ZABURI 22:15

Irangi japo jaoma sa luwigha; lumi lwapo lwakakadiana na lwasasa, na oho kwanirarisha terinyi nifue.

ZABURI 22:29

Wandu wose wa ndoenyi wikukasire, wichamghoghomia; awo wose wifwagha wichamdungia ngokoro hee, hata uo usedimagha kukuwika moyo moni.

ZABURI 71:20

Oho kunibonyere ngapatwa ni wasi na matiriro, kuchaniwusira sena. Kuchanifunya sena kufuma andu kuko ndenyi kwa ndoe.

ZABURI 88:11

Welee, lukundo lwako lukatie lwadima kughorwa kaburinyi, angu wuloli ghwako kughorwa kwa Mnoni?

ISAYA 18:4

Angu BWANA wanizerie huwu, “Nichazighana mboaeri kufuma andu kwapo nikaiagha, sa ndoe yakombwa ingelo iruwa jakala, sa iwingu ja mami mrukenyi ngelo ekuwida viro.

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

ISAYA 51:17

Wuka! Wuka kukaie kimusi ee Jerusalemu, oho korenyueghe kikombe cha machu gha Mlungu kufuma mkonunyi kwake; kwachinyue hata kukachiangamira na kutatarika.

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

HOSEA 13:14

Nichawikira awandu na wurumwengu ghwa wafu; nichawikombua na ndighi ra kifwa. Ee kifwa luvia lwako loko hao? Sichaakaia na wughoma ghungi,

HOSEA 14:5

Nichakaia kwa wandu wa Israeli, sa vua kwa ndoe iomie wichaghoka sa maua; wichadunga miri sa midi ya Lebanoni.

HOSEA 6:2

Nyuma ya matuku awi uchadirukisha, na ituku ja kadadu uchadimangisha, dipate kukaia kimusi imbiri kwake.

ZEKARIA 8:12

Wandu wichawa kwa sere, mzabibu ghuchava matunda gharo, na ndoe ichachuria mavalo gharo, na vua ichanya; nani nichawibonya awa wandu wisigharikie wipate agha marasimio ghose.

MATHAYO 27:52

makaburi ghikarughuka, na mimbi mingi ya waeli werelalieghe ikarukishwa,

MATHAYO 27:58

Ukaghenda kwa Pilato kulomba mumbi ghwa Jesu. Nao Pilato ukafunya rusa uneko.

MABONYO GHA WADUMI 24:15

Neko na isuwirio kwa Mlungu, ijo jeni nawo wawuyajirumiria; kukaia, kuchakaia na kuruka kwa wafu kwa wandu wose, wecha na wawiwi.

1 WAKORINTHO 15:20

Ela kwa loli Kristo warukishiro kufuma kwa wafu, mavalo gha imbiri gha awo wimerie kufwa.

WAEFESO 5:14

Niko huwu ighorelo, “Wuka ee mundu kulalagha kuruke kufuma kwa wafu na Kristo uchakulangalishira mwengere.”

WUKUMBUSO 32:2

Mafundisho ghapo ndeghitonye-tonye sa vua, na madedo ghapo ghisee sa mami; sa vua inyagha mboa-mboa aighu ya mghina, na sa mshushure aighu ya nyasi mbishi.

WUKUMBUSO 33:13

Na kwa wundu ghwa mbari ya Josefu ukaghora, “BWANA ndeirasimie ndoe yawo kwa kuinyeshera vua na machi ghifumagha andoenyi nakosi,

WUKUMBUSO 33:28

Kwa huwo inyo kivalwa cha Jakobo mduo moyo kwa sere mkaie banana andenyi ya isanga ja viro na divei, andu mami gha mawingunyi ghinyosheragha ndoe.

WAFILIPI 3:10

niwonemmanya uo, nandighi ya kuruka kwake, nikaie mngara wa matiriro ghake, na kufwanana nao kwa kufwa kwake;

WAFILIPI 3:21

uo uchaaighalusa mimbi edu ya wunyonge ifwanane na mumbi ghwake ghwa wubaa, kwa iro ndighi rimdimishagha kuvibonya vilambo vose vikaie aisi kwake.

1 SAMUELI 2:6

BWANA wadabwagha na kukaisha moyo, wadasera wandu Andu kwa Wafu na kuwirukisha.