ISAYA 26:16 - Biblia Ilagho Jiboie Kwa Wandu Wose

¹⁶ Werekulolieghe ngelo ya wasi ghwawo; iji korewikabieghe, wikareda malombi kwako, ee BWANA.

ISAYA 26:16 ပူးပေါင်းရင်းမြစ်များ

ZABURI 142:2

Nalalamika imbiri kwake; namghoria wasi ghwapo ghose.

ZABURI 27:8

Oho kwaghambie, “Nilolenyi.” Nani naghamba, “Nichakulola ee BWANA;

ZABURI 42:4

Nakumbuka niko na wasi ngolonyi, seji niduelongoza izungu ja wandu kughenda nyumbenyi kwa Mlungu. Longo lwa wandu wengi wiwadiagha mizango ya ndima; wikibora na kuzuma na kufunya chawucha kwa Mlungu.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 77:3

Ngamkumbuka Mlungu niawoka kulila; ngamririkanya, niafwa ngolo.

ZABURI 78:34

Iji orewibwaghieghe wamu, awo weresigharikieghe wikahea na kumlola Mlungu kwa loli.

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

ISAYA 37:3

Wikaghenda na kumzera, “Hezekia waghamba, ‘Idime ni ituku ja wasi, na kurashwa, na kusowelwa ishima; wana wakaia tayari kuvalwa ela ndighi rekumba lufu nderiko.

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

JEREMIA 22:23

Oho kukaiagha Lebanoni, kubonyere andu kwako kokaia na midi ya Sida; kusirimika saki ngelo wasi ghuchaakuchea, sa ghwa muka wachelwa ni lufu lokufungua.”

JEREMIA 29:12

Niko aho mchaniwanga, mchacha na kunilomba; nani nichasikira.

KILILO CHA JEREMIA 2:19

Wuka sena na sena kio chee kukimlilia BWANA; kumghorie wasi ghwako loli, kukimlomba uwifue wughoma wana wako awo wawuyabwaghwa ni njala achienyi.

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

HOSEA 7:14

Ndewiwuenilomba kwa loli putu, ela waawuyakukumba andonyi sa wandu wisemuichi Mlungu. Wikakalomba viro na divei wiabonya sa wandu wa iro mbari. Ni wandu winileghie putu!

MITALO 21:7

Wandu wikacha kwa Musa na kughamba, “Dabonyere kaung'a angu didedie kiwiwi aighu ya BWANA na aighu kwako wori; dilombie kwa BWANA upate kudiinjira iri choka.” Niko Musa ukawilombia wandu.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

WATANYI 10:15

Wandu wa Israeli wikamzera BWANA, “Isi dabonyere kaung'a, dibonye sa iji kuwonagha nicha oho kumoni, ela tu dakuvoya kudikire idime jeni.”

1 SAMUELI 1:15

Ela Hana ukatumbulia, “Ii hata bwana wapo, ini ne muka niko na wasi m'baa; sinyue divei hata chofi anduangi, ela nedeeka ngimneka BWANA wasi ghwa ngolo yapo.