ISAYA 26:13 - Biblia Ilagho Jiboie Kwa Wandu Wose

¹³ Hata ngera dabonyero nguma ni weke bwana wazima ee BWANA Mlungu odu, ela isi daawuyarumiria andenyi ya irina jako jiekeri.

ISAYA 26:13 ပူးပေါင်းရင်းမြစ်များ

2 MALAGHO GHA NGELO 12:8

Elaima sena wichawuya wadumiki wake, eri wipate kumanya wudumiki ghwawo, na ghuja ghwa mawuzuri gha masanga mazima.”

ISAYA 10:11

welee, sichaadima kuibonya Jerusalemu na milimu yake huwo koni seji nereibonyereghe Samaria na milimu yake?”

ISAYA 12:4

Na ituku ijo mchabora huwu: “Funyenyi chawucha kwa BWANA mujiwangie irina jake, ghorenyi malagho gha mabonyo ghake kwa iro mbari ra wandu, ghorenyi kukaia irina jake ni ibaa.

ISAYA 2:8

Isanga jawo jeechulwa ni milimu, nawo waghoghomia kazi ra mikonu yawo; vilambo wivibonyere weni.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 51:22

BWANA, uo BWANA Mlungu wako ukudederiagha waghamba huwu, “Ola icho kikombe chawuyakutatarisha nameria kuchiinja mkonunyi kwako, ndekuchaanywa icho kikombe cha machu ghapo sena anduangi.

ISAYA 63:7

Nichalughora ulo lukundo lukatie lwa BWANA, na kumkasa BWANA kwa maza rose oredibonyereghe, na wucha ghose ughubonyere kwa nyumba ya Israeli kwa wughoma ghwake, karakara na ugho wungi ghwa lukundo lwake lukatie.

ISAYA 64:5

Oho kwadawikaribisha awo wose wibonyagha hachi kwa kuboilwa, awo wikumbukagha kubonya malagho kara kara na chia rako. Zighana oho korekoghe kwazamilwa ni isi, ela sena dikabonya kubonya kaung'a; dikakaia luma dikibonya iro kaung'a. Da huwo dadima kukia?

AMOSI 6:10

Mkichuku wa mundu ufue, uo uko kilongozi cha mariko uchaghufunya ugho mumbi nyumbenyi. Uja mkichuku uchawanga mundu uo ose wasigharika nyumbenyi, “Wele mokwanye na mndungi aho?” Ukatumbulia, “Hata!” Uchaghamba, “Shii! Nyama kima, disesikirike dikijighora irina ja BWANA.”

MIKA 4:5

Kula mbari yadatasa na kusikira mlungu ghwawo, ela isi dichamtasa BWANA Mlungu odu kwa kala na kala.

JOHANE 8:32

nenyo mchaimanya ija loli, nayo loli icham'bonya kukaia wakitina.”

WAROMA 6:22

Ela idana mmeria kufunywa kaung'enyi, na kuwuya wazumba wa Mlungu, fwaida mpatagha ni kueleshwa, na kutua kwaro irangi ja kala na kala.

1 WAKORINTHO 4:7

Kwani-lee, nani ukubonyere kuwoneke wuzima? Anguu, niki kuko nacho icho kuserenekeloghe? Da ikakaia kodenekwa-lee, kukukasiraki sena seji ndekorenekeloghe?

WAEBRANIA 13:15

Idana ndedimfunyire Mlungu kizongona cha makaso tulituli kwa chia ya Jesu, nacho ni madedo gha memu ujishuhudiagha irina jake.

JOSHUA 23:7

eri msechewadana na mbari ra wandu wisigharikie aghadi konyu, angu kuighora milungu yawo, angu kughema, angu kuidumikia, angu kuighoghomia.