ISAYA 26:11 - Biblia Ilagho Jiboie Kwa Wandu Wose

¹¹ Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 26:11 ပူးပေါင်းရင်းမြစ်များ

AYUBU 34:27

kwa kukaia waghalukie nambai wikalegha kumnugha hata ndewiritalie chia rake rose.

ZABURI 10:12

Wuka ee BWANA, kuwonyere ndighi rako ee Mlungu, kusakewiliwa awo wikorongwagha.

ZABURI 21:8

Uchawiwada wamaiza wake wose kwa ndighi rake; uchawiwada awo wose wizamilwagha ni uo.

ZABURI 28:5

Kwa kukaia ndewitalagha iro kazi ra BWANA, angu ivo ubonyere; uchawikaba na kuwitotesha putu.

ZABURI 78:63

Wadawana wawo werebwaghiloghe wudenyi, na wai wawo wikasowa kulowolwa.

ZABURI 86:17

Kuniwonyere alama ya wucha ghwako, eri awo wawuyazamilwa ni ini, wiwone, na kufwa waya; kwa kukaia oho BWANA, kwaniteserie na kunihoresha.

KUFUMA 9:14

Ngelo ihi nichareda saka kwako koni, kwa wadumiki wako, na wandu wako; kupate kumanya angu ndekuwadie ungi ndoenyi kose uko sa ini anduangi.

ISAYA 1:31

Mundu uwadie ndighi uchakaia sa itasa na kazi rake sa sisia ra modo, uchahianya na kazi rake hata mndungi usedime kumrimisha.

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 10:17

Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

ISAYA 11:13

Iriso ja Israeli jichasia, na wamaiza wa Juda wichainjwa; Israeli ndechaammbonia Juda iriso, na Juda ndechaamsumbua Israeli.

ISAYA 18:3

Inyo wandu wose mkaiagha wurumwengunyi, inyo mmbose mkaiagha ndoenyi; bendera ikawusirwa mghondinyi mzighane, na tarumbeta ikakabwa msikire.

ISAYA 37:32

Huwo kuchakaia na masighariko gha wandu kufuma Jerusalemu, ee, kufuma Mghondi ghwa Sioni, kuchakaia na masighariko gha wandu. BWANA wa majeshi uchabonya huwo, kwa wundu ghwa iriso uko najo.

ISAYA 42:13

BWANA wafuma karakara na ing'oni, wawukwa ni mware na kukema kara kara na mundu wa wuda; kuwonyera ndighi rake kwa wamaiza wake.

ISAYA 44:18

Wandu awo ndewiichi ilagho jingi, hata ndewimanyagha; kwa kukaia meso ghabwaghilo wisewone, na akili rawo rafue ndewitambukilwagha.

ISAYA 44:9

Wandu wose wibonyagha milimu ni wandu wa duu, hata ivo vilambo wikusaghikagha navo ndevina fwaida ingi. Awo washahidi wawo ndewiwonagha hata ndewitambukilwagha; nawo wichafushwa waya.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

ISAYA 59:17

Wakurushire hachi sa ngao ya laghenyi, na kukia sa kofia ya chuma chongonyi kwake. Warwae kisasi sa nguwo rake, na kukurigha lubio sa nguwo ekumba.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

ISAYA 63:15

Kudizighane kufuma mlungunyi kwako ee BWANA, kufuma agho malalo ghako ghielie gha wubaa. Ugho wuing'oni na kudima kwako koko hao? Ghuao ugho wughoma na lukundo lwako kudikunde nalo?

ISAYA 66:15

BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

ISAYA 66:24

“Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

ISAYA 9:18

Wuwiwi ghwa wandu ghuakora sa modo ghukoragha visachi va minjwa ghuakagha sa modo ghwa msidunyi, ghujosagha mosi sa ikungughu.

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 44:28

Na awo wichaafufunuka kubwaghwa wudenyi, wichafuma isanga ja Misri na kuwuya cha isanga ja Juda, watinieri, na masighariko ghose gha wandu wa Juda wereghendieghe cha isanga ja Misri wichamanya ni ilagho jani jiko ja loli, ngera ni japo angu ngera ni jawo.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

MIKA 5:9

Israeli ichawisima wamaiza wake na kuwitotesha wose.

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

MIKA 7:16

Mbari ra wandu hata ngera werekoghe na ndighi rawo rose wichaobua. Wichawadia memu yawo na kufindika madu ghawo kwa wowa.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

LUKA 16:23

Wokoni uja mzuri ukafwa, ukarikwa, nao uko matirironyi kwa wafu, ukammbona Lazaro kula koni uko kaavui na Abrahamu.

MABONYO GHA WADUMI 28:27

Angu wandu awa wafue vongo, nawo ndewikunde kusikira; meso ghawo waghitungurisha, wisechewona kwa meso ghawo, na kusikira kwa madu ghawo, na kutambukilwa ngolonyi kwawo, wicheghaluka niwiboise.’

2 WATHESALONIKE 1:8

Nao uchalipia ngenga aighu ya wandu wose wisemwichi Mlungu, na aighu ya awo wose wawuyajilegha ijo Ilagho Jiboie ja Bwana odu Jesu.

WAEBRANIA 10:27

ela kuasighwa kulangaria kuja kutanywa koobosha, na kubia kwa modo, uko kuchaawilungura awo wamaiza.

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.

1 SAMUELI 6:9

Mkaie mkizighanira; jikakaghenjwa cha isanga ja mzawo Beth-shemeshi, dichamanya kukaia ni Mlungu wa Israeli wadibonya iri maza rizamie redinona; na ikakaia jaghenjwa chia zima, wokoni dichamanya kukaia suo ungi wadikaba, ela ni malagho tu ghadichea.”