ISAYA 25:4 - Biblia Ilagho Jiboie Kwa Wandu Wose

⁴ Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 25:4 ပူးပေါင်းရင်းမြစ်များ

ZABURI 107:41

Ela wadawivuvua awo wisowagha wifume matirironyi ghawo, na kuvibonya vinyumba vawo vichurikie sa ng'ondi.

ZABURI 119:31

Naimaziria memu yako ee BWANA, kusakenisigha nifusho waya.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 121:5

BWANA uchakulongoza; oko kaavui na oho kukulindia.

ZABURI 35:10

Nani nichaghora kwa ngolo yapo yose, “Nani uko sa oho ee BWANA? Kwadamkira mnyonge na uo umchumbie ndighi, na uo usene kindo chingi, kwadamkira na uo umsokagha.”

ZABURI 55:8

Kumangu nadashashira nipate andu konituwiria mbeo na kiremba.”

ZABURI 72:13

Wawadie wughoma kwa wanyonge na awo wisowagha, nao wadawikira awo wisowagha.

ZABURI 72:4

Kumneke kuwidederia wakiwa, uwitesie awo wisowagha, na kumsima mkorongi.

ZABURI 9:10

Na awo wikuichi wadakusaghika kwako, angu oho ee BWANA ndekuwisighie awo wikulolagha anduangi.

ZABURI 91:1

Uo ose ukaiagha aisi ya wulindiri ghwa Uo-Uko-Aighu-Nandighi, uo ukaiagha aisi ya kiju cha Uo-Uwadie-Ndighi-Rose,

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 14:32

Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 16:3

“Dineke njama, diwonyere chia ya hachi, dilindie sa kudifinikira kiju ngelo ya iruwa, divise isi wakimbii, kusakedifunya.

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 27:5

Ikakaia wamaiza wa wandu wapo wikunde wulindiri ghwapo, ndewiche wibonye sere na ini, ee wibonye sere na ini.”

ISAYA 28:6

na roho ya hachi kwake uo utanyagha, na ndighi kwa walindiri wilindiagha mbenge ya muzi isewado ni wandu wa wuda.

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

ISAYA 29:20

Uchawitotesha wang'eti, na awo wisekagha kwa lumenyo uchawinyamira, na wose wichereshagha kwa kubonya wuwiwi uchawiinja putu.

ISAYA 29:5

Izungu ja wamaiza wako jichasaghiswa sa teri, na majeshi ghing'etere ghichakimbia; wichakaia kara kara na makozi ghawusirwa ni kikulughulu. Na shwa wori,

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 33:16

Uo mundu uchakaia banana, andu kuko na wulindiri ghukate sa ngome ya magho; uchanekwa vindo vake na machi ghake ghimkate.

ISAYA 33:2

Kudifue wughoma ee BWANA, isi dikusuwiriagha oho kukaie mlindiri odu kula nakesho; kukaie kukia kodu ngelo ya wasi.

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 49:25

Hee loli, waghamba BWANA, “Wandu widwalo wunyika wa mundu uwadie ndighi, hata wafungwa wa mng'eti wichakombolwa. Kwa kukaia nichalwa na awo wilwagha na oho, nani nichawikira wana wako.

ISAYA 57:13

Iji kwakema kukilola wutesia, oke iyo milimu yako koreitumbanyireghe ndeikukirecho. Mbeo ya kiremba ichacha na kuidwa noko, ee, miruke tu ichaiinja noko. Ela uo uchaakusaghika nani, uchapata isanga na kughupata ifwa ugho Mghondi ghwapo ghwa wueli.”

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ISAYA 8:14

Ini moni kwa wundu ghwa wueli ghwake, nichakaia igho ja makuwisho, na lwala lokuwisha kwa wuzuri ghwa Juda na Israeli; nani nichakaia mdegho na shaghala kwa awo wose wikaiagha Jerusalemu.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

EZEKIELI 38:9

Kuchawuka na kucha sa kiremba, na sa ikungughu ibaa kujifinikira isanga; kuchawichea na masikari ghako ghose, na wandu wengi mkwanye.”

ZEFANIA 3:12

Nichasigha wandu wikuserie na wa mboa aho, awo wilolagha wulindiri ghwapo.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?