ISAYA 25:2 - Biblia Ilagho Jiboie Kwa Wandu Wose

² Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

ISAYA 25:2 ပူးပေါင်းရင်းမြစ်များ

AYUBU 12:14

Ukavuchua, mndungi ndewuyaagha; ukafunga mundu jela, ndefungulwagha ni mndungi.

ISAYA 13:20

Jingi ndeghuchaakailwa ni wandu kwa vivalwa vose. Muarabu ungi ndechaadunga hema yake aho, hata mlisha ungi ndechaalisha mfugho rake aho.

ISAYA 13:21

Ela nyamandu ra isakenyi richakaia aho, na nyumba raro richangilwa ni nyamandu rirumagha. Nyagha richakaia aho, na weke mwakuli wichasarigha aho.

ISAYA 13:22

Mbisi richaruma aighu ya minara yawo, na mizozo ichakema andenyi ya ngome rawo righokie, kwa kukaia ngelo ya Babuloni yameria kuvika isedimagha kusoghorwa.”

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

ISAYA 17:1

Agha nigho malagho aighu ya Dameshki. “Dameshki ndeichaakaia muzi sena, ela ghuchawuya maghacho.

ISAYA 17:3

Ngome ya Israeli ichainjwa na wuzuri ghwa Dameshki ghuchasia, na masighariko gha wandu wa Siria wichasowelwa ishima sa wandu wa Israeli, ini BWANA wa majeshi naghamba.”

ISAYA 21:9

Ola, wajoki farasi wiacha, hawaja wiacha wawi-wawi,” Nao ukatumbulia, “Ghwaghue, ugho muzi ghwa Babuloni, ghwaghue, na fwana ra milungu yake raghushwa andoenyi.”

ISAYA 23:11

Mlungu wamerie kughorua mkonu ghwake aighu ya bahari, na kughusha agho mawuzuri; wamerie kughora kukaia ngome ra biashara ra Kanaani richukanyo.

ISAYA 23:13

(Wakaldayo niwo wishekerie muzi ghwa Tiro ghukangilwa ni nyamandu, si Waashuru wangi; Wakaldayo niwo wiaghie minara yawo kughumara ugho muzi, na kughusha ngome rawo hata rikawuya maghacho.)

ISAYA 24:10

Muzi ghwamerie kuchulwa ni kunoneka, na kula nyumba eemeria kurughwa mndungi usengie.

ISAYA 25:12

na BWANA uchaghusha mawurigha gha ngome rawo ghiko ighu, na kughighusha andoenyi hata terinyi.

ISAYA 26:5

Kwa kukaia wamerie kuwisera awo wandu werekukasireghe; ugho muzi ghorekujosereghe waghuserie hata andoenyi, ukaghusera hata terinyi.

ISAYA 27:10

Muzi ghorekoghe na ngome ghwasighwa mduu, wandu waghukimbirie ghukasighwa sa kireti; aho niko ng'ombe rilishwagha, radadima aho na kukonua mbashu ra midi yaro.

ISAYA 32:14

Kwa kukaia ngome ya mzuri ichasighwa, na wandu werechueghe ugho muzi kukimbia. Mghondi na minara ya walindiri ichakailwa ni nyamandu kwa kala na kala, kuchawuya andu kuboie kolishira weke punda na mfugho.

ISAYA 32:19

Ela vua ya magho ichanona ugho msidu na muzi ghuchanoneka.

ISAYA 34:13

Minjwa na mndandangoma ichazoghua aighu ya ngome rawo, nako kuchakailwa ni mizozo na nyagha.

ISAYA 37:26

“‘Wele ndekusikire kukaia iri maza nederipanga kokala? Maza rawuyabonyeka idana nederipanga matuku gha kala, kukaia kucharichikanya ngome ra mizi na kuribonya riwuye vitungu va kunoneka kwaro;

JEREMIA 51:26

Igho jingi ja mbembenyi ndejichaapatika kwako, hata igho jingi ja msingi, ela kuchasighwa duu kwa kala na kala, ini BWANA naghamba.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

WUKUMBUSO 13:16

Vilambo vose mwaviwada, muvitumbanye ghadi na ghadi ya ugho muzi andu kuko kuelie, na kughukora muzi chiaimweri navo, sa kizongona chekora chose kwa BWANA Mlungu onyu, nagho ghuchawuya ighacho kwa kala na kala, hata ndeghuchaaghwa sena.

WUFUNUO 18:19

Hata iji werekoghe wikilila na kukema mchungu, wikakudunga teri vongonyi kwawo wikighamba, “Weei! Wee ngai Babuloni ghuja muzi m'baa! Andu wandu wose werekoghe na meli baharinyi, wereshamieghe kwa mali rake! Na kwa saa imweri ghwameria kusia putu!