ISAYA 24:8 - Biblia Ilagho Jiboie Kwa Wandu Wose

⁸ Chwaka ra mayanga ranyamirishiro, na kuboilwa kwa wandu kwasirie; vinubi vawo na misherembe yawo vanyamirishiro.

ISAYA 24:8 ပူးပေါင်းရင်းမြစ်များ

AYUBU 3:7

Ee, icho kio chikaie kolowi, hata lwaka lungi lwa maboilo lusesikirike andenyi yaro anduangi.

AYUBU 30:31

Zeze yapo eewuya elila ifwa, na msherembe ghwapo ghwaawuyatumilwa ni awo wililagha.

ZABURI 137:2

Dikawanika zeze redu aighu ya midi iko aho.

ISAYA 16:10

Ndekuwadie mndungi uko na kuja kuboilwa andenyi ya mbuwa redu rinorie, hata mndungi ndewuebora andenyi ya mbuwa ra mizabibu kwa kukaba lukilighili. Mndungi ndewuekama zabibu, kuboilwa kose koomerelwa.

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

ISAYA 5:14

Kwa huwo Andu kwa Wafu kwakaia na bea mbaa, kwatambarua momu ghwake kuwimila; wabaa wa Jerusalemu na wandu wawo wengi wasea aho, chiaimweri na wandu wake wengi wizumagha andenyi yaro.

JEREMIA 16:9

Angu ini BWANA wa majeshi uo Mlungu wa Israeli naghamba, Nichanyamirisha chwaka ra kuboilwa na maseko ra wandu wiko aha kukiwona, ngelo ya matuku ghako, hata chwaka ra bwana na bibi arusi nderichaasikirika anduangi.

JEREMIA 25:10

Nichawiinjira chwaka ra kuboilwa; lwaka lwa bwana-arusi na bibi-arusi, lwaka lwa magho ghishagha, na mwengere ghwa taa.

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

KILILO CHA JEREMIA 5:14

Waghosi walekie kukaia na mandu mbengenyi; wandu wa irika walekie kubora.

EZEKIELI 26:13

Nichanyamira kubora konyu, na chwaka ra vinubi nderichaasikirika sena anduangi.

EZEKIELI 28:13

Korekoghe Edeni andenyi ya mbuwa ya Mlungu; korekufinikireghe na kula igho ja zoghori mbaa; karneliani, topazi, jaspi, krisolito, berili, oniksi, safire, karbankuli, zumaridi; na michoro yako erekoteroghe na kushingwa dhahabu. Iji koreumbiloghe gherekoghe ghaboiswa.

HOSEA 2:11

Nichainja kuboilwa kwake kose ndima rake, ndima ra kula mori na Sabato rake, na ndima rose rake riwikilo ra dini.

AMOSI 6:7

Kwa huwo mchakaia wa imbiri kudwalwa wunyika; karamu na maseko ghenyu ghichasia.

WUFUNUO 18:22

Na chwaka ra wandu wikabagha ngoma, firimbi na awo wikabagha tarumbeta, nderichaasikirika andenyi kwako; na mafundi gha wufundi ugho ghose ndeghichaawoneka andenyi kwako, hata lwaka lwa igho jesha, ndeluchaasikirika andenyi kwako,