ISAYA 24:6 - Biblia Ilagho Jiboie Kwa Wandu Wose

⁶ Kwa huwo ndoe yamerelwa ni njowe, na wandu waro wapatwa ni wasi kwa wundu ghwa mawiwi ghawo, wandu wa ndoenyi wakorwa hata awo wisigharikagha ni watini.

ISAYA 24:6 ပူးပေါင်းရင်းမြစ်များ

2 WAZURI 24:12

Jehoiakini mzuri wa Juda ukakufunya moni kwa mzuri wa Babuloni, chiaimweri na mae, na wadumiki wake, na wabaa wa wandu wake, na wadumiki wake wa ngomenyi; ukadwalwa wunyika ni mzuri wa Babuloni mwaka ghwa wunyanya ghwa kubonya nguma kwa mzuri wa Babuloni.

2 WAZURI 25:12

Ela wakiwa wichumbie, ukawisigha isanga ja Juda, wilimieghe mizabibu na kulima mbuwa.

ISAYA 1:31

Mundu uwadie ndighi uchakaia sa itasa na kazi rake sa sisia ra modo, uchahianya na kazi rake hata mndungi usedime kumrimisha.

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 34:5

BWANA wawika lufu lwake tayari mlungunyi, nalo luasea kukaba Edomu, ee, awo wandu umerie kuwitanya kufwa.

ISAYA 43:28

Kwa huwo ngawiinjira ishima wabaa wa Andu kwa Wueli, ngamfunya Jakobo upate kutoteshwa putu, na Israeli upate kusholelwa.”

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

JEREMIA 12:4

Isanga na nyasi ra mbuwenyi rikaia riomie hata lii? Nyamandu ra isakenyi na nyonyi ramerie kutota, kwa wundu ghwa wuwiwi ghwa awo wandu wiko andenyi yaro; wandu waghambie, “Mlungu ndedimagha kuwona agho dawuyabonya.”

JEREMIA 5:14

Kwa wundu ugho, BWANA, uo Mlungu wa majeshi waghamba huwu, “Kwa kukaia wakuzera agha malagho oho Jeremia, ola nichabonya ilagho japo momunyi kwako jikaie sa modo, na wandu awa wichakaia sa mbande, na modo ghuchawimeria.

EZEKIELI 5:3

Ela kuwade iridia itini, kujifunge kidambinyi cha nguwo yako.

WALAWI 26:22

Nichamredia nyamandu ribirie, ripate kumjia wana wenyu, na kubwagha ng'ombe renyu, na mtalo ghonyu ghupunguo, hata chia renyu rikwame.

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

MALAKI 3:9

Inyo mmbose mbari yose moowadwa ni njowe, angu mwawuyaniiwia.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MALAKI 4:6

Uchawipatanisha weke aba na wana, eri nisecheikaba ndoe na kuitotesha.”

MATHAYO 27:25

Wandu wose wikaghamba, “Bagha yake ndeikaie aighu yedu na aighu ya wana wedu!”

MATHAYO 7:14

Ela mnyango ni msuse, na chia eghenda iranginyi ni ya wasi; nayo ni wandu watini wiiwonagha iyo chia.

WAROMA 9:27

Isaya nao waghora kwa lwaka lubaa aighu ya Israeli ukighamba, “Hata ngera mtalo ghwa wana wa Israeli ni sa msangagha ghwa baharinyi, ela ni awo watini tu wichaasigharika niwo wichaakia.

WUKUMBUSO 28:62

Na seji morekoghe wengi sa nyerinyeri ra mlungunyi, mchasighwa watinieri; angu kuleghie kumsikira BWANA Mlungu wako.

WUKUMBUSO 4:27

BWANA uchamsaghisa aghadi ya wandu wa iro mbari, nenyo mchavuvuka watinieri.

2 PETRO 3:10

Ela Ituku ja Bwana jichacha sa kitoi; ituku ijo, mlungunyi kuchaida kwa lwaka lubaa, na vilambo viko andenyi yaro vichasagha kwa modo, na ndoenyi kuchahia chiaimweri na vilambo vose viko andenyi yaro.