ISAYA 24:2 - Biblia Ilagho Jiboie Kwa Wandu Wose

² Kula mundu uchakabwa. Mkohani uchapatwa ni malagho karakara na wandu; bwana uchapatwa ni malagho karakara na mzumba wake; bibi uchapatwa ni malagho karakara na mwai wake wa kazi. Muuzi uchapatwa ni malagho karakara na mghui; na uo ukopeshagha kara kara na mkopi.

ISAYA 24:2 ပူးပေါင်းရင်းမြစ်များ

KUZOYA 41:50

Imbiri ya miaka ya njala kucha, Josefu orekoghe wapata wana wa womi wawi, werevaloghe ni uo Asenati mwai wa Potifera, mkohani wa muzi ghwa Oni.

2 MALAGHO GHA NGELO 36:20

Awandu werefufunukieghe wisebwaghilo, orewidwaeghe wunyika cha Babuloni; wikakaia wadumiki wake, na wa wana wake; hata ngelo ya wuzuri ghwa Pashia kukaia na ndighi.

ISAYA 2:9

Kwa huwo mdamu uchaserwa na kumenyeka; kusakewifuya wughoma ee BWANA.

ISAYA 24:3

Ndoenyi kuchanoneka putu na kumerelwa, kwa kukaia BWANA wajighora ilagho iji.

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

ISAYA 5:15

Mdamu uchaserwa, na wandu wichaserwa, na awo wikukasire wichaserwa.

JEREMIA 41:2

Ishmaeli mwana wa Nethania chiaimweri na waja wandu ikumi ukawuka na kumdema Gedalia mwana wa Ahikamu wawae Shafani na lufu, ukam'bwagha uo orewikiloghe ni mzuri wa Babuloni ukaie m'baa wa isanga.

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

KILILO CHA JEREMIA 4:13

Agha gheebonyeka kwa kukaia walodi wake wabonyere kaung'a, na wakohani wake wikabonya makosa ghiwishekerie wandu wa hachi kubwaghwa.

KILILO CHA JEREMIA 4:16

BWANA ndecheewuyawitala sena; ukawisaghisa moni. Ndecheewitala wakohani na vilongozi vedu.

KILILO CHA JEREMIA 4:6

Wandu wapo wakabilo kuchumba wa muzi ghwa Sodoma ugho ghoretotesheroghe mikonunyi kwa Mlungu kwa indo jimweri.

HOSEA 4:9

Mchapatwa ni ikabo karakara na wandu. Nichamkaba; nani nicham'bonya mkabo kwa wundu ghwa ugho wuwiwi mwawuyaghubonya.