ISAYA 24:18 - Biblia Ilagho Jiboie Kwa Wandu Wose

¹⁸ Uo uchaakimbia kwa wundu ghwa icho kiture, uchachunukia andenyi ya kina, na uo uchajoka kufuma kwa icho kina, uchawadwa ni mdegho. Kwa kukaia vua mbaa yanya kufuma mlungunyi, na misingi ya ndoenyi yasughusika.

ISAYA 24:18 ပူးပေါင်းရင်းမြစ်များ

KUZOYA 19:24

Nao BWANA ukanyesha aighu ya Sodoma na Gomora kibiriti na modo ghubirie kufuma mlungunyi,

KUZOYA 7:11

Niko ugho mwaka ghwa maghana arandadu ghwa Nuhu, mori ghwa kawi, na ituku ja ikumi na mfungade ja ugho mori, ndoria rose ra machi gha ndoenyi rikarughuka kwa wungi, na madirisha gha mlungunyi ghikarughuka.

2 WAZURI 7:2

Uja m'baa ozighana maza ra mzuri ukamzera mlodi Elisha, “Hata BWANA moni ukabonya mawingu ghidie viro sa vua idime jeni, loli idimika ilagho ijo jikaie?” Elisha ukatumbulia, “Ola kuchawona na meso ghako, ela ndekuchaaja.”

AYUBU 20:24

Hata ngera wakimbie usepato ni iswagha ja chuma, uchalaswa na iwanu ja shaba.

ZABURI 18:15

Baharinyi kondonyi korewonekieghe, na misingi ya wurumwengu ikafunukulwa iji korewidokieghe wamaiza wako ee BWANA, kukiwirurumia kwa machu ghako.

ZABURI 18:7

Niko ndoenyi kukatatarika na kunenganenga, misingi ya mighondi wori ikasughusika na kuzingizika; kwa kukaia BWANA orejokeloghe ni machu.

ZABURI 18:8

Mosi ghukafuma mbuonyi kwake, modo ghulunguragha na maka ghiakagha ghikafuma momunyi kwake.

MCHILI 9:12

Mdamu ndeichi ngelo yake. Sa iji koni samaki riwadwagha ni nyavu, na nyonyi kuwadwa ni mdegho, huwo koni wadamu wadawadwa ni malagho ghizamie shwa wori.

ISAYA 13:13

Kwa huwo nichasughusa mlungunyi, na ndoenyi kuchasughusika hata kufume andu kwaro, ngelo Ini BWANA wa majeshi nichaawonyera machu ghapo ghibirie.

ISAYA 2:19

Wandu wichangia mbangenyi ra magho, na miruma ya ndoenyi wikiobua agho machu gha BWANA na wubaa ghwa nguma rake; iji uchaawuka kuisughusa ndoe.

ISAYA 2:21

nawo wichakuvisa mbangenyi ra magho, na chughumenyi mbaa ra ndoenyi; wipate kukaia kula na machu gha BWANA na wubaa ghwa nguma yake; iji uchaawuka kuisughusa ndoe.

ISAYA 42:22

Ela awa ni wandu wiwadilo, wikaiwa, na kufungilwa mirumenyi wose; wangirilo jela, hata ndekuwadie ungi owivuvua, hata oghora Wiwunjenyi!

ISAYA 8:14

Ini moni kwa wundu ghwa wueli ghwake, nichakaia igho ja makuwisho, na lwala lokuwisha kwa wuzuri ghwa Juda na Israeli; nani nichakaia mdegho na shaghala kwa awo wose wikaiagha Jerusalemu.

JEREMIA 48:43

Kiture, na kina, na mdegho vaawuyammbeseria inyo wandu mkaiagha Moabu.

JEREMIA 48:44

Uo uchaakimbia kiture uchachunukia kinenyi; na uo ujokagha kufuma kinenyi uchawadwa ni mdegho. Kwa kukaia nichareda maza iri aighu ya Moabu, andenyi ya mwaka ghwawo ghokabwa, ini BWANA naghamba.

KILILO CHA JEREMIA 3:47

Dapatiro ni wasi na kunoneka; daawuyakaia ndengonyi, diko na kiture.

EZEKIELI 11:8

Mwaobue lufu, ela nichareda wandu wilo nenyo kwa lufu, ini Bwana MLUNGU naghamba.

EZEKIELI 12:13

Nani nichakuchua nyavu yapo aighu yake, nao uchawadwa ni mdegho ghwapo; Nichamreda Babuloni isanga ja Wakalidayo; ela sena ndechaajiwona, nao uchafwa aho.

EZEKIELI 15:7

Nichawizighana kiwiwi, na hata ngera wafufunuka wisehirie, ela sena modo ghuchawimeria, na inyo mchamanya kukaia ini ne BWANA ingelo nawizighana kiwiwi.

AMOSI 5:18

Ni bugha kwa awo wiweseragha ijo ituku ja BWANA! Kwaki mkunde kujiwona ituku ja BWANA! Ni ituku ja kira jisewadie mwengere;

AMOSI 5:19

jeeka seji mundu uikimbiagha shimba nao ukwane na kibarabara angu seji mundu ungiagha nyumbenyi, nao eukusaghikagha na wurigha, ulumo ni choka.