ISAYA 24:16 - Biblia Ilagho Jiboie Kwa Wandu Wose

¹⁶ Kufuma kutua kwa ndoenyi, dasikira chumbo ra makaso; ni chumbo remkasa Uo Mhachi. Ela ini nawuyaghamba, “Naawuyasia, ni bugha kwapo naawuyasia! Kwa kukaia Mkalii waawuyanifunya kwa mikalo, waawuyanifunya kwa mikalo.”

ISAYA 24:16 ပူးပေါင်းရင်းမြစ်များ

ZABURI 106:15

Mlungu ukawineka icho werelombieghe, ela ukawiredia wukongo ghowidarumisha.

ZABURI 119:158

Ngawona wandu wisene irumirio niazamilwa, angu wiseghiwadiagha malaghiro ghako.

ZABURI 2:8

Nilombe, nani nichakubonya kuwuye m'bonyi nguma wa mbari ra wandu, na ndoenyi kose kuchawuya kwako.

ZABURI 58:10

Mhachi uchaboilwa kuwona kisasi chikilipwa, maghu ghake ghicharogha bagha ya wawiwi ukighenda.

ZABURI 65:8

wandu wikaiagha andu kuko kula na ndighi kwa ndoenyi, wadaoboshwa ni mabonyo ghako. Kwadawibonya wikeme kwa kuboilwa ii chia na ii chia ndoenyi kose.

ZABURI 67:7

Mlungu wadirasimia; ndoenyi kose ndekumuobuo.

ZABURI 98:3

Wakumbuka lukundo lwake lukatie na wuloli ghwake kwa wandu wa Israeli. Wandu wose kula andu wawonie wusimi ghwa Mlungu odu.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 11:12

BWANA uchawusira bendera ikaie alama kwa iro mbari ra wandu, ewonyera kukaia uchatumbanya wandu wa Israeli na wandu wa Juda wisaghisikie, wifume iro mbembe inya ra ndoenyi.

ISAYA 17:4

BWANA ukaghamba, “Ngelo ichacha na wubaa ghwa Israeli ghuchasia, na wuzuri ghwake ghwa mali ghuchawuya wukiwa.

ISAYA 21:2

Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

ISAYA 26:15

Ela oho kwamerie kuchuria iyo mbari ya wandu ee BWANA, kwamerie kuchuria iyo mbari yedu; kwamerie kuichura mano yedu na idana kwaawuyakaswa.

ISAYA 28:5

Ngelo iyo, BWANA wa majeshi uchawuya nuo kirumbu cha wubaa, na kiremba chiboie kwa masighariko gha wandu wake;

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 48:8

Jingi ndekorerisikireghe hata kurimanya, kufuma konkala uko madu ghako ndeghifungukie, kwa kukaia nerekumanyireghe kukaia mundu wa mikalo na kufuma kuvalwa kwako korekoghe mundu olegha mawonyero.

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

JEREMIA 12:1

Ngakareda malalamiko ghapo kwako ee BWANA, ni oho kuko na hachi yose. Elaima nalomba kudedanya na oho aighu ya hachi yako. Kwaki wandu wawiwi wikaiagha nicha huwu? Kwaki wandu wa mikalo wiwonagha mecha?

JEREMIA 12:6

Kwa kukaia wanyinyu, ni wandu wa nyumbenyi kenyu, hata awo weni wakubonyere mikalo, waawuyakema wikilwa na oho; kusewiwurie hata ngera wakuja malagho ghiboie.”

JEREMIA 3:20

Ela kwa loli kwaleghie kukaia mloli kwapo kara kara na muka useko mloli kwa mumi ee Israeli.”

JEREMIA 5:11

Kwa kukaia wandu wa Israeli na wandu wa Juda, waleghie kukaia waloli kwapo putu.”

KILILO CHA JEREMIA 1:2

Ghwadalalalila kwa kuwawa ghukidikwa ni mbori. Ndekuwadie mghenyi ungi wake wa kala usigharikie omhoresha. Wangara wake wamfunyire, na wose wawuya wamaiza wake.

HOSEA 5:7

Wasowie kukaia waloli kwa BWANA; wana wawo si wake wangi. Wose wichatoteshwa chiaimweri na isanga jawo kafwani.

HOSEA 6:7

“Ela werejinonieghe ilaghano japo sa Adamu, ndewerekoghe waloli kwapo anduangi.

WALAWI 26:39

Awo wandu watini wichaasigharika andenyi ya isanga ja wamaiza wenyu, wichakaia wikipungua kwa wundu ghwa kaung'a rawo na kaung'a ra weke ndee.

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

HABAKUKI 1:13

Kudima wada kurumaghianya na awa wandu wawiwi wikalie ee BWANA? Kwa kukaia meso ghako ni gha wueli ghisekundagha kuzighana mawiwi na makosa. Kwaki kunyamagha kima ingelo awo wandu wawiwi wiwitoteshagha wandu wa hachi kuwichumba awo?

HABAKUKI 1:3

Kwaki kunibonyagha niwoneghe makosa, na wasi? Naamarwa ni kunoneka na makorongo. Wuda na marashano ghachua kula andu.

MARKO 13:27

Nao uchawiduma weke malaika uwikwanye andwamweri wasaghulwa wake kufuma mbembe inya ra ndoenyi, kufuma kuzoya kwaro ndoenyi hata kutua kwaro.”

MABONYO GHA WADUMI 13:47

Angu niko Bwana udilaghirie ukighamba: ‘Nakuwika oho kukaie mwengere ghwa wandu wa mbari zima, eri kurede kukia ndoenyi kose.’”

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.