ISAYA 24:1 - Biblia Ilagho Jiboie Kwa Wandu Wose

¹ Olenyi BWANA uchaikaba ndoe, na kuiboya isigho nduu; uchaivurugha na kuwisaghisa wandu wikaiagha andenyi yaro.

ISAYA 24:1 ပူးပေါင်းရင်းမြစ်များ

2 WAZURI 21:13

Nichaikaba Jerusalemu sa iji koni nereikabieghe Samaria, na kivalwa cha Ahabu; nani nichainja wandu wa Jerusalemu seji mundu upangusagha sahani, na kuipurughusa.

NEHEMIA 1:8

Kumbuka malagho koremlaghirieghe mdumiki wako Musa kukighamba, ‘Mkalegha kukaia waloli kwapo, nichamsaghisa aghadi ya mbari zima;

ZABURI 146:9

BWANA wadawilindia waghenyi wiko isangenyi kodu; wadawitesia waka wakiwa na wana wakiwa; ela wadainona mipango ya wandu wawiwi.

ISAYA 13:13

Kwa huwo nichasughusa mlungunyi, na ndoenyi kuchasughusika hata kufume andu kwaro, ngelo Ini BWANA wa majeshi nichaawonyera machu ghapo ghibirie.

ISAYA 13:5

Wafuma isanga ja kula, noko cha kutua kwa ndoenyi; BWANA waawuyacha na maswagha ghake, na kwa machu ghake uchatotesha ndoenyi kose.

ISAYA 2:19

Wandu wichangia mbangenyi ra magho, na miruma ya ndoenyi wikiobua agho machu gha BWANA na wubaa ghwa nguma rake; iji uchaawuka kuisughusa ndoe.

ISAYA 24:19

Ndoe yabarika putu, yawaghanyika, nayo yasughusika na ndighi.

ISAYA 24:20

Ndoe yazingizika sa mmbongeri, yakumbwakumbwa sa nyumba idukwagha ni kiremba. Ndoe yalemerelwa ni kaung'a rake, nayo ichatota putu hata ndeichaawuka sena anduangi.

ISAYA 27:10

Muzi ghorekoghe na ngome ghwasighwa mduu, wandu waghukimbirie ghukasighwa sa kireti; aho niko ng'ombe rilishwagha, radadima aho na kukonua mbashu ra midi yaro.

ISAYA 29:16

Awo wadaghalua malagho. Welee, mvimbi wadima kufwananishwa na wongo? Hata icho kilambo chibonyero chidime kumzera uo uchibonyere, “Si oho ungi kuniumbie?” angu kughamba, “Oho ndekumanyagha agho kughoragha?”

ISAYA 29:2

ela Mlungu ucharedia muzi ghwa Jerusalemu wasi; muzi ughoni ghuwangwagha “Madhabahu ya Mlungu;” kuchakaia na kililo na kukema mchungu, na muzi ghose ghuchakaia sa madhabahu yachulwa ni bagha.

ISAYA 30:32

Kula ikabo ja BWANA, jichanughwa ni lumbo lukabwagha kwa mayanga na kinubi; kwa kukaia BWANA uchakufunya kwa mkonu ghuwadie ndighi kulwa na Waashuru.

ISAYA 32:12

Mkukabe-kabe laghenyi konyu kwa wundu ghwa mbuwa renyu rinorie na mbuwa renyu ra mizabibu ivae rimerie kunoneka.

ISAYA 33:9

Isanga jeewuya ja wasi, jiasia; msidu ghwa Lebanoni ghoonyaya na kunoneka, Sharoni eeka sa ikara; hata aho Bashani na Mghondi ghwa Karmeli midi eewadwa ni pambari na kupotua malemba.

ISAYA 34:10

Modo ghwaro ndeghuchaarima nakio hata nadime; mosi ghwaro ghuchafukia kwa kala na kala. Isanga jichasighwa iduu, kivalwa hata kivalwa; mndungi ndeechaaida aho kwa kala na kala.

ISAYA 34:2

BWANA wabonya machu aighu ya mbari rose ra wandu na aighu ya majeshi ghawo ghose; nao wawitanyire wipate kubwaghwa.

ISAYA 42:15

Nichainona mighondi mibaa na mitini, na kuomera nyasi rose; nichaighalusa meda iwuye ikara, na kuomera viriwa.

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

JEREMIA 40:15

Niko Johanani mwana wa Karea ukaghoria Gedalia kivisonyi aho Mispa ukighamba, “Leka niendem'bwagha Ishmaeli mwana wa Nethania, na mndungi ndechaamanya. Kwaki ukunde kukubwagha eri Wayahudi wose wikukwanyikie wipate kusaghiswa na masighariko gha wandu wa Juda witote?”

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 51:34

Wandu wa Sioni ndewighambe, “Nebukadnezari mzuri wa Babuloni wameria kudija, wamerie kudifasha-fasha; wadibonyere diwoneke sa kilambo kiduu wadimilie sa are; waghudishiro ni kuboa kodu, na kudidaika.

JEREMIA 9:16

Nichawisasara aghadi ya mbari ra wandu wiseriichi, hata weke ndee wisererimanyireghe; nani nichawidumia majeshi hata wameria kutoteshwa.”

EZEKIELI 12:20

Mizi ichulo ni wandu, ichawuya maghacho, na isanga jichasighwa iduu; nenyo mchamanya kukaia Ini ne BWANA.”

EZEKIELI 24:11

Nao kuiwikirie iyo nyungu modonyi iko nduu, ipate kuhia shuu, eri shaba yaro ihie itinike tini wuchafu ghusaghe, na ngama yaro iinjike.

EZEKIELI 35:14

Bwana MLUNGU waghamba huwu, “Nichakubonya kusigho mduu, hata wandu wiboilo ndoenyi kose.

EZEKIELI 5:14

Aighu ya agho, nichakubonya kukaie mduu, osholelwa ni mbari rose ra wandu rikumarie chia rose, na kula mundu uidagha chienyi.

EZEKIELI 5:2

Ifungu ja kadadu ja ijo iridia kuchajikora ghadi na ghadi ya muzi, iji matuku gha kurughailwa ghakatia. Ifungu jimu ja kadadu, kuchakaia kukijidumbua-dumbua na lufu kukimara mara mzinyi; na ifungu jimu ja kadadu kuchajikumba nokoighu jisasaro ni mbeo, nani nichawiwinga kwa lufu.

EZEKIELI 6:14

Nani nichaghorua mkonu ghwapo kulwa nawo, hata isanga jisigho iduu andu kose wandu werekoghe wikikaia; kufuma kireti hata Ribla. Niko wichaamanya kukaia ini ne BWANA.”

EZEKIELI 6:6

Andu uko kose muko, mizi yenyu ichasighwa miduu, na andu konyu kotasira mighondinyi kuchanonwa, eri madhabahu renyu ripate kunonwa na kusaghiswa; na milimu yenyu kuchikanywa na kunonwa; madhabahu renyu refukiria marumba richachikanywa, na vilambo muvibonyere viinjo putu.

EZEKIELI 7:12

Ngelo yavika, ituku jakaia kaavui. Uo ughuagha useboilo, na uo uuzagha usekaie na wasi, angu machu ghapo ghichawichea wose.

EZEKIELI 7:14

Wakaba tarumbeta, na kuwika wandu wose nicha kwa wuda; ela ndekuwadie mndungi wawuyaghenda wudenyi, angu machu ghapo ghakaia aighu yawo wose.

NAHUMU 1:5

Mighondi yasughusika imbiri ya BWANA. Mighondi mitini yasagha imbiri yake. Ndoenyi kwasughusika imbiri yake; wurumwengu na vose viko andenyi yaro wori vasughusika.

NAHUMU 2:10

Nineve yatoteshwa, yakimbilwa na kusighwa nduu; Wandu wafwa ngolo kwa wowa, vitemberu vawo viasughusika na ndighi rawo rasia, na mawushu ghaghaluka gha mshashu.

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

MABONYO GHA WADUMI 17:6

Hata iji wawisowa, wikamkurudua Jasoni andwamweri na wanidu wamu, na kuwireda kwa wabaa wa muzi wikikema na kughamba kwa lwaka lubaa, “Awandu wighughalusire wurumwengu, hawa wacha aha;

WUKUMBUSO 28:64

Nao uchamsaghisa aghadi ya wandu wose ndoenyi ii chia na ii chia; na aho mchaidumikia milungu mizima ya midi na ya magho, iyo msereiichighi hata weke ndeyo.

WUKUMBUSO 32:26

Kumangu nawitotesha putu, hata mndungi usewikumbuke.

WUKUMBUSO 4:27

BWANA uchamsaghisa aghadi ya wandu wa iro mbari, nenyo mchavuvuka watinieri.

JAKOBO 1:1

Ini Jakobo mdumiki wa Mlungu, na wa Bwana Jesu Kristo, namuandikia inyo mbari ikumi na iwi risaghisikie wurumwengunyi. Namroghua.