ISAYA 23:1 - Biblia Ilagho Jiboie Kwa Wandu Wose

¹ Agha ni malagho aighu ya Tiro. Lilenyi inyo mabaharia wa Tarshishi, kwa kukaia muzi ghonyu ghwa Tiro ghwanonwa, hata ndekuwadie nyumba ingi angu bandari, rose ranonwa putu. Mchasikira maza iri kufuma Kupro.

ISAYA 23:1 ပူးပေါင်းရင်းမြစ်များ

KUZOYA 10:4

Wana wa Javani ni Elisha, Tarshishi, Kitimu, na Dodanimu.

1 WAZURI 10:22

Mzuri orekoghe na meli ra biashara rerekoghe rikidambanya baharinyi na meli ra Hiramu. Indo jimweri kula miaka idadu rerekoghe rikireda dhahabu, na feza, na mbembe ra chovu, na fuwe, na sawau.

1 WAZURI 22:48

Mzuri Jehoshafati orebonyereghe meli righendeghe Ofiri kupata dhahabu. Ela ndererevikieghe kwa kukaia rerekwamieghe Ezion-geberi.

1 WAZURI 5:1

Hiramu mzuri wa Tiro orekundaneghe na Daudi. Hata iji wasikira kukaia Solomoni washingilo mavuda ukaie mzuri wulalo ghwa ndee, ukaduma Wadumwa wake wabaa kwa Solomoni.

2 MALAGHO GHA NGELO 9:21

Angu meli ra mzuri rerekoghe rikighenda Tarshishi na wadumiki wa Huramu; na indo jimweri kwa miaka idadu rerewurieghe rikidwa dhahabu, feza, mbembe ra chovu, fuwe na weke teusi.

ZABURI 48:7

Kukawitotesha sa meli ra Tarshishi, ritoteshwagha ni mbeo enona ya mashariki.

ISAYA 15:8

Kililo chaawuyasikirika kula andu isangenyi ja Moabu, na wandu wa Eglaimu na Beer-elimu wiadikwa ni mbori.

ISAYA 2:16

Uchainja meli rose ra Tarshishi, na vilambo vose viboisiro vighokie.

ISAYA 23:12

Nao waghambie, “Ndekuwuyaboilwa sena ee muzi ghwa Sidoni kuko sa mwai uelie, ukorongelo; hata kukakimbiria Kupro saki, ndekuchaapata kuhora kungi anduangi.”

ISAYA 23:6

Lilenyi, inyo wandu wa masanga gha pwani! Kimbienyi cha Tarshishi.

ISAYA 24:10

Muzi ghwamerie kuchulwa ni kunoneka, na kula nyumba eemeria kurughwa mndungi usengie.

ISAYA 60:9

Ni meli ra Tarshishi richagha kufuma kula cha masanga ghwa pwani; rawuyareda wana wako wa womi, chiaimweri na feza na dhahabu rawo; kujineka ishima irina ja BWANA Mlungu wako, na Mlungu uo Mweli wa Israeli; kwa kukaia wamerie kukuneka wubaa.

JEREMIA 2:10

Ruwukenyi hata kisiwa cha Kupro, angu dumenyi wandu Kedari mzighane nicha; mmbone ngera ilagho sa ijo jakaie.

JEREMIA 25:15

Nao BWANA, uo Mlungu wa Israeli ukanizera, “Wada ichi kikombe cha divei ya machu ghapo, kuwinyoshe wandu wa iri mbari rose ra wandu nichaakuduma kwawo.

JEREMIA 25:22

wazuri wose wa Tiro, wazuri wose wa Sidoni, na wazuri wa masanga gha pwani kimonu cha Bahari ya Mediterania;

JEREMIA 47:4

angu ijo ituku jewitotesha Wafilisti javika, na kuinja masighariko gha wandu werekoghe witesie Tiro na Sidoni. Angu BWANA waawuyawitotesha Wafilisti, agho masighariko gha wandu wikaiagha pwani ya Kaftori.

EZEKIELI 26:1

Ituku ja imbiri ja mori, mwaka ghwa ikumi na imweri ghwa kubarishwa kodu, BWANA oreghorieghe nani ukighamba,

EZEKIELI 26:2

“Mwana wa mdamu, angu wandu wa Tiro wawuyaseka wandu wa Jerusalemu wikighamba, ‘Ahaa, mbenge ya wandu wa Jerusalemu yachikanyiro, naaisighilwa iari; idana nasikira nicha, angu wasighwa duu.’

EZEKIELI 27:30

wikikulilia na kukema kwa kuwawa kubaa. Wakumba teri aighu ya vongo vawo, na kughala-ghala a ivunyi;

EZEKIELI 27:6

Weretumieghe mialoni ya Bashani, kukubonyera makasia; wikabonya wualo ghwako na mbau ra misumbesu, ifumie pwani ya Kupro, ghukakandwa na mbembe ra chovu.

DANIELI 11:30

Wandu wichacha na meli ra Kitimu kulwa nao. Uchaobua na kuwuya nyuma wajokwa ni machu, na kuwoka kulwa na wandu wa ilaghano ja wueli; Uchawadana na wandu wileghie kunugha ijo ilaghano ja wueli.

JONA 1:3

Ela Jona ukawuka ukimbie cha Tarshishi BWANA usemmbone. Ukasea Jopa ukakua meli aho ighendagha cha Tarshishi, ukalipa tikiti, ukangia ughendanye na wandu wa Tarshishi, upate kukaia kula na BWANA.

MITALO 24:24

Ela wandu wichacha na meli kufuma Kupro, na kuwikoronga Waashuru na Waeberi ela na Wakupro weni wori wichatota wokoni.”

LUKA 10:13

“Ni bugha kwako Korazini! Ni bugha kwako Bethsaida! Angu weke mwakilimbiti wibonyekie kwako, ngera wedebonyerwa Tiro na Sidoni, kumangu wamerie kuhea koicho, wikirwa nguwo ra magunia na kusea kidombo ivunyi.

JOSHUA 19:29

Ugho mpaka ghukaghaluka cha Rama ghukavikia ngome ya muzi ghwa Tiro na kughaluka cha Hosa na kutuia Bahari ya Mediterania, chiaimweri na Mahalabu, Akzibu,